Corpus Van Reenen-Mulder (CRM14): Oorkonde K150p39601

Wij . Scep_en geswoerne Rentmeest_en dekene van + den ambachten Een deel der goider knapen Ende alle die gemeyn Stat van Tshertogenbossche doen Cont allen @ luden dat wij van wegen ende in name Onser voirs_ Stat wittelijc ende erffelijc vercoft hebben Jan van + den hout soen wiln_e henric goessens des visschers enen @ Jaerliken ende erftijns van elf ponden ende vier scillingen gemeyns payments . welc Onse voirs_ Stat Jaerlec en_ erffelijc geldende heet Sente martens mis @ in + den wijnter vyt enen Camp lants vier margen vier hont ende dertich Roeden lants begripende gelegen voir Engelen tusschen den Erue Roelofs van + den graue aen deen side ende tusschen den erue henric weirneirs aen dander side streckende van der diesen tot der gemeynre straten toe welken Camp lants die voirs_ wiln_e henric goessen tegen Onse voirs_ Stat voirtijds gecoft hadde van + den seluen Coeper in enen Erfrecht te besitten ende te hebbene Ende wij hebben geloift ende gelouen in goiden @ trouwen den voirs_ Jan Coeper dat wij hem van + den voirsc_ Jaerliken en_ Erftijns van Elf ponden en_ vier scillingen gemeyns payments hem vercoft als voirs_ is sculdige @ en_ gerecht waerscap sullen doen . Jn kennissen der waerheyt Soe hebben wij Ons_ voirscr_ Stat groten zegel aen desen brief doen hangen Gegeuen Jnt Jaer Ons h_en @ dusent drie + hondert tnegentich en_ sesse des maendaechs na sente andries dach des apostels . .