Corpus Van Reenen-Mulder (CRM14): Oorkonde K160p30802

Allen den ghenen die desen brief soelen sien oft horen lesen , wij deken ende ghemeynlike alle die capitele van sente Marien van Breda , saluut ende kinnisse der warheit . Wij doen u te weten dat wij ghesien hebben ende nerstelike ghehoert hebben edelre lude lettere myns her Raes tseren van Liedekerke , van Breda ende van Boenlare ende myns her Philips van Liedekerke seren van Ulvenhout , sprekende van worde te worde in derre maniren , die goed ende gave waren ende niet te lachceren (onleesbaar) Ende wij deken ende capitele van sente Marien van Breda , in kinnissen der warheiden dat wy desen brief ghesien hebben sprekende als hiir voer bescreven staet ende omme (onleesbaar) wille der nonnen van Bre? ?henoemt ende convents ghemeynlike , hebbe wij dezen brief bezeghelt med onser ghemeynre capitel zegele van Breda , int jaer ons Heeren M . + CCC . + ende achte des satersdages na sente Lucas dach ewangelist .