Corpus Van Reenen-Mulder (CRM14): Oorkonde K160p33001

Wy Robrecht Jans sone en Henric Moy , scepene in Breda , maken cont dat voer ons syn comen Jan van der Bye en Gielis syn broeder ende hebben bekent dat si hebben ghegheven van hem en van haren nacomelinghen den proist der nonnen van Breda , van der ordenen van Premonstreit , enen wech dor haer goet dat gheleghen is bi der Bie te vaerne en te keerne van sgodshuse woninghe die al~daer gheleghen is met ? ? als~so dicke ende al~so vele als + sys te doen hebben sullen sonder enich weder~segghen erfleke ende ewelike houden ende hebben op vj d_ groter tornoysen sjaers ? die waerde daer af jaerlics op sinte Baven dach te gheldene en al~so dat godshuus een veken houden sal tusghen haer goet en der broeders goet voirgenoemd omme alle scade mede te ver~hoedene . In orconden deser dinghen hebben wi onse zeghele hier ane ghehanghen . Ghegheven int jaer ons Heren dusent drie hondert ende dertich op sente Michiels daghe .