Corpus Van Reenen-Mulder (CRM14): Oorkonde K160p33801

Wi Claus van Oekele en_ jan van hosenhout scepene in Breda orconden med desen brieue dat voer ons quam jan die hollander / en_ nam tot enen gherechten erfsise van beatrisen van hertele der beghinen die daer ieghenweerden was med horen gherechten mombore die hoer daer (onleesbaar) med vonnisse en_ med rechte ghegheuen was twe houe ligghende in die + rulle bi den ghasthuse en_ een stuc lants daer after ligghende daer Claus van Oekele derdendeel in heeft (onleesbaar) g? ?uers gheet / en_ dien wech die van + der ?ulle ghaet om twe scellinc ouder groter tornoyse van tsconinx monte van vrankerike alle jare op sinte bauen dach te betaelne en_ om een lope? roghs tsiaers den heyleghen gheest / en_ twelf miten der kerken en_ ses miten den ghasthuse welker te~voren op stonden voer dese versisinghe en_ niet meer jn kennissen der wareyt hebben wi desen brief beseghelt med onsen seghelen jnt jaer ons h_en dusentech drie + hondert dertech en_ achte vijftien daghe binnen september