Corpus Van Reenen-Mulder (CRM14): Oorkonde K160p34101

Wij willem van mechgele en_ aernoud van + den neste Scepenne in breda . Maken cont ende kenlijc allen luden dat voer ons quam jan van maere en_ lide dat hi hadde vercocht wittelike om een somme van pe_ninghen die hem ghehelijc betaelt es Clause van oekel zesse grote siaers comans ghelt op Sijn hws en_ op sijn erue datter toe behoert dat gheleghen es aldernaest aernts zomaerts erue op die een zide en_ jacobs eghels erue op dander / alle iaer te ghelden clause voerghenoemt of sine_ nacomelinghen op sunte bauens dach behoudelijc altoes den tveeen en_ dertoch g_ten siaers die daer te~voren wtghaen / en_ voert so heeft jan vorseit desen vorseiden pand gheloeft goed ghenoech te waren / jn welken cijns vorseit die voernoemde clause es inghedaen en_ gheuest met vonnisse en_ met rechte na die coren ende ghewoente van + der poert van breda daer + toe ghedaen was al dat + mer sculdech toe was te done . jn kinnissen der waerheit es dees brief beseghelt met onsen seghelen Ghegheue_ jnt iaer ons h_en . M . + ccc . + en_ een en_ veertech