Corpus Van Reenen-Mulder (CRM14): Oorkonde K160p34301

Wij claus van oekel . . ende aernout die grawe scepenne in breda . Orconden en_ kinne_ met desen brieue dat voer ons quam / gheraert die + men heit eghel / en_ lide dat hi vercocht hadde wittelike om een somme van pe_ninghen / die home ghehelijc betaelt es / joncfrouwe_ beatrisen van hertele meesterse van + de_ beghijnhoue van breda / toet sunte kateline_ behoef / aen die firmarie van + den houe iaerlijcs te legghen / dertien grote siaers erfcijns / alsulker grote alse die een coman den andere_ mede betalen mach toe allen cijnsdaghen / op dat hws en_ dat erue daer gheraert in plach te wonen / dat gheleghen es in die brugghestrate / aldernaest aernts baers erue op die een side / en_ rutten h_en rutgheers sone was vter haghe op die ander zide / welc dertien g_te voerseit diederic vrient iaerlijcs wtreiken sal / behoudelijc altoes neghentien g_te die he?an die ledeghe daer af iaerlijcs wt~heft / en_ op~dat voernoemde erue staen / alle iaer te ghelden joncf_uw__ beatrisen of die meesterse van shoues weghen es op Sunte bauens dach ewelijc en_ vmm_meer / jn welken voerseiden cijns joncfrouwe beatrijs voerseit es in~ghedaen en_ gheuest toet sunte kateline_ behoef / bi maennisse des richters en_ wijsdo_me der scepe_ne dier sculdech ouer waren te wisen / daer + toe ghedaen was al dat mer sculdech toe was te doene met enen rechte / na costume en_ ghewoente van + der poert van breda / die te haer comen es . Jn kinnissen der waerheit es dese brief beseghelt met onsen Seghelen / ghegheue_ jnt iaer ons h_en . M . + ccc . + en_ . + drie + en_ + veertech op Sunte Agneten dach . .