Corpus Van Reenen-Mulder (CRM14): Oorkonde K160p35401

Wi gheraerd die bonte en_ jan mathijs sone scepe_ne in breda / Orconden en_ kenne_ med desen brieue dat voer ons quam heinric sterke die weuer en_ verlijde dat hi hadde vercocht o_me ene so_me van pe_ninghen die hem ghehelijc en_ al betaelt ware janne tsh_en sone was van oosterhout / dat huus en_ hof med sinen toebehoerte_ / daer heinric bloc nv in woent en_ gheleghen es bi heilwighe_ snoyen huse an dene side / en_ jan robben an dander side / en_ oec metten weghe die gheleghe_ es tussche_ zebrechts huus van ypellaer an dene side / en_ gielijs kentijncs en_ jans sijns broeders an dand_ side also dat jan mijns h_en sone voers_ desen wech voerscr_ hebbe_ en_ ghebruken sal te varen en_ te keren teinden gielijs kentincs erue en_ sijns broeders voers_ tot sinen orbare en_ p_fyte onwederzeghet van yeme_de gaende acht_ tot sinen huse toe voerscreue_ . voert soe heeft heinric voers_ hem dit voernoemde huus en_ erue en_ oec den wech med allen sine_ toebehoerte_ gheloeft te ware_ en_ te vrien med twintech g_ten erftijns / moente_ daer dene coma_ den andren mede betalen mach / altoes te gheldene op sente jans dach baptiste / jeghens al + den ghene_ die hen rechts daer toe moghen vermeten . Ende hier jn soe es jan voers_ gheuest en_ toeghedaen metten vonnisse en_ metten rechte alsoe dat hem zeker en_ vast es . jn kennissen der waerheit es dese brief bezeghelt med onsen zeghellen . jnt jaer ons h_en M . + ccc . + vijftech en_ viere / viue en_ twintech daghe binne_ aprelle . -