Corpus Van Reenen-Mulder (CRM14): Oorkonde K160p35601

Wij ?rnoud van den neste / en_ jan mathijs sone scepenne jn breda / Orconden en_ kenne_ med desen brieue dat voer ons quam h_e romboud van ykel p_ster / (onleesbaar) sone was van ykel / en_ verlijde dat hi sculdech ware / den gods~huse van sente barnaerds / often brengh_e van desen brieue / zesse oude scilde tsiaers van goeden goude en_ van gherechte_ ghewichte / oft die weerde daer na jn andren goeden payme_te / duerende zesse en_ dertich jaer lanc achterene en_ niet langher daer dierste betalinghe af ingaen sal / tsente martijns misse jn den wint_ naest come_de ouer ene jaer / alse van vierd + alf boenre goets / gheleghen jn beemden / in wierden en_ jn lande / ene luttel min oft meer / die h_e romboud voers_ jeghens den goeds~huse ghehuert heeft en_ gheleghen sijn te ghempel ouer die brugghe an beiden siden der haerstrate_ . jn orconden desen brieue bezeghelt med onsen zeghellen . jnt jaer ons h_en . M . + ccc . + vijftech en_ zesse des donredaghes na sente jacops dach des apostels - Wij scepene gheswoerne ende ghemeyn stat van Breda op die een side wij jan van oesterhout claes buyse jan ghijsbrechts zoen jan gheerst jan rijt alsteen peters zoen laureys wijnrix zoen scepen jn + der vierscaer van hertel Ende jan van + den moer herman peters zoen herman zebe_ zoen Gherijt koelman Elyaes jans zoen boudijn grut_ wille_ jans zoe_ Claes van tuyl peter staerts zoen florens van rijswijc heynric van + der brugghen peter damaes zoen herman andries zoen tyelman gherouts zoen peter domaes zoen Nijs heinrix zoen Claes snac boudijn lauwen zoen claes hughen zoen Claes bloc jan claes eeben zoens zoen jan heynrix zoen peter coelman bertout berwouts zoe_ bazelijs mechre? dieman claes wouters zoen jacop thyer arnd won Gherijt voet jan voet peter hughen zoen diedric veenlant ghebuerman ter seluer vierscaer van hertel op dander side Doen cond allen luden dat wij om kenlike_ orbaer ende groter noetzaken wil elc met andren verdraghen en_ gheaccordeert sijn by rade ende concent ons lieue_ heren haren heynric van + der lecke here van heeswijc als mo_boer onser lieuer jon?wen van + der lecke ende van breda op sulke poenten vorwaerden en_ gheloften als hier na ghescreue_ stae_ Dat es te wete_ dat wij scepene ende gheswoerne en_ die ghemeyn stat van breda ke_nen en_ aenzien doer god ende doer mede~doghen van recht_ kerstenheyt weghen (onleesbaar) eest dat die guede lude die gheseten sijn te hertel te schy_maer ter heyden en_ op waghe_berch altoes als mede~perrochyaens van rechts + wegh? versocht hebben die moederkerc te breda met haere sepulture_ met kijndre_ te kerstene met bruyde_ ende andre_ sole_pniteyte_ van + de_ heyl?ghen sacrame_ten te vercryghe_ daer hem dachlijx mids verheyt desweghes en_ grote_ noet van watere swaer perikelen en_ herde_ last jn wederuare soe eest dat wy hem gheconsenteert hebbe_ en_ va_ gracien onthengt soe verre als onser stat aen~roert dat sy bi_ne_ haerre vierscaere een cappelle fundere_ moghe_ en_ doen wyen moghelijc gedoteert van zekere_ rente_ tote eens priesters behoef die hem daer wt dien? van doepsel van sepulture_ en_ andre_ sole_pniteyte ende toebehoerte_ den heylegh sac_mente daer om hebbe_ wy scepen en_ ghebuyrma_ne van + der vierscare va_ hartel voirs_ gheloeft en_ ghewilkoert voir ons en_ voir onse nacomelinghe_ op ons en_ op al onse guede die wy hebb? of vercrighe_ moghe_ der stat va_ breda en_ hare_ nacomeli_ghe_ want onse cappelle altoes bliue_ moet appendijs der moederkerken van breda Oft soe gheuiele dat god verhoede_ moet dat op ghewiede van + der cappelle_ enech ongheual van doetslaghe van quetsure_ of andre_ vio?cien ghesciede daer die byscop va_ ludic of p_late toe segghe_ of broeke_ af eysche_ mochte met swaernisse van ghebode dat daer af die mo?derkerc te breda en_ die daer onder hore_ ne_mermeer last noch co_mer lyde_ en sulle_ mer wij sulle_se daer af scadeloes houde_ ende vrien Des sulle_ wij sulke brieue werue_ van + de_ p_late_ dat sy des verzekert sulle_ bliue_ Voert ke_ne_ wij scepe_ ende ghebuyrma_ne jn + der vierscare van hertel gheseten ons selue_ en_ onse nacomelinghe tote ewyghe_ daghe_ verbonde_ te sine jn + der wtreyki_ghen van + der stat acchyse van breda en_ die te ghelde_ en_ te bethale_ als wij en_ onse voirvordere te haer toe ghedaen hebbe_ sonder enech wederzegghe_ Voert en sal + me_ bi_nen onser vierscaer van hartel ne_mermere opslach hantieren noch houde_ van gheenrande comans goede dat van daer voert verthiert of ghevoert sal worden voert sulle_ wij en_ onse nacomelinghe binne_ der vierschaer van hartel zittende altoes der stat va_ breda te baten com? als wi versocht worden ter gerechter landwere en_ jn andere heervaerde_ jn stote_ en jn and_en laste als wi tote noch ghedaen hebb? Des ghelijc selle_ wi en_ onse nacomelinghe altoes verbonde_ bliue_ ten jnhalens beyde wi en_ onse haue alst haer come_ es Voert sulle_ w? ? onse nacomelinghe die bi_ne_ der vierscaer va_ hartel ghezete_ sijn altoes den wech tussche_ hartel en_ amelberghe cusbaerlic make_ ende hou? soe dat + me_ daer ghemechlic vare_ en_ kere_ mach behoudelic dien dat die hoghebrug daer die vaert doer ghaet ghehoude_ sal worde_ vande_ genen diese tote noch ghehoude_ hebbe_ Voert es vorwaerde dat wi scepe_ ghezwoerne en_ ghemeyn porte van breda dese guede lude die jn + der vie?scaer van hertel wonachtich sijn altoes houde_ sulle_ jn der protectie ende bescermte als sy tote haer toe gheweest hebben behoudelic die_ dat b? deser tijt voirt ne_mermeer man die daer ghezete_ es ontfanghe_ en sal worde_ jn poerterscape_ te breda mer die n˚ porter sijn die mog? bliuen haer leuedaghe lang en_ die daer nae poert_ zijn sal die moet bi_ne_ der stat vriheyt wone_ op~dat dese voirs_ vorwaerde_ en_ gheloften an elker zide tote ewighe_ daghe_ vast en_ onverbrekelic ghehoude_ moghe_ werde_ soe hebben wij scepe_ ghezworne en_ ghemeyn stat van breda de? brief jn ke_nesse_ der waerheyt ope_ bezeghelt met ons_ stat zeghel Ende wi scepe_ der vierscaer van hartel hebbe_ onse propre zegle daer ? ghehanghe_ soe voir ons selue_ soe voir die ghemeyn ghebuyrma_ne der vierscaer van hertel toe~behorende want een ope_baer wilko? met vo_nesse daer op ghestaet waert daer die ghemeyn ghebuyre van hartel jn verwilkoerde_ en_ gheloefde_ op he_ en_ op haer goet dat sy vast en_ ghestade houde_ soude_ soe wes die scepe_ van hartel jn + de_ voirs_ stucke_ voertsetten en_ begrepe_ En_ daer om hebbe_ wi scepe_ ghezw?ne en_ ghemeyn stat van breda op die een zide En_ wi scepe_ en_ ghemeyn ghebuyrma_ne van hartel op dander zide ghebede_ en_ verzocht onsen lieue_ heer haren heynric van + der lecke h_e van haeswijc als mo_baer jonfrou johanne_ vrouwe van + der lecke en_ van + br? ons_ lieuer jonfrou dat hy ter _f__macien va_ alle_ poynte_ voirs_ om der meerder zekerheit sine zeghel an desen brieue wille doen ?ghen Ende ons aen beyde_ ziden daer toe dwinghe_ met ons_ liue en_ met ons_ goede dat alle vorwaerde_ ende ghelofte_ voirs_ vast en_ ghestade ghehoude_ werde_ Ende wi heynric van + der lecke h_e van haeswijc als mo_boer ons_ lieu_ nichten voirs_ hebbe ou_mids bede en_ verzoec der p?tien voirg_ onse consent ghegheue_ tote allen den vorwarden en_ poynten voirs_ ende _f__mere die met ons_ zeghel hier an ghehanghe_ en_ g?loue_ die partyen voirs_ also jn + dien te hebbe_ met hore_ liue ende met hare_ goede dat sy alle zake_ voers_ vaste en_ onverbrekelic houde_ zu? behoudelic ons_ lieuer nichte_ voirs_ hoerre heerlicheit jn alle_ stucke_ voirgheroert En_ hebbe_ ou_mids verzoec der partyen voirs_ end? om der meerder ke_nesse wille ghebede_ Eerbare_ en_ wisen ons_ lieuer nichte_ ma_ne vten huys van breda Te weten willem van da? here van donghen gyelijs van + de_ kamp boudijn van tychgelt dat sy des_ brief met ons bezeglen willen Ende wi wille_ gyelijs bo?dijn voirs_ hebbe_ ouermids beghaerte ons liefs heren voers_ wt verzoec der partyen voerghenoemt onse zegle bi + den sinen als m?ne onser lieuer jonfrouwen voirs_ aen desen brieue ghehanghen Dit was ghedaen jnt jaer ons heren Dusent ende vier + hon? elf daghe jn nouembri