Corpus Van Reenen-Mulder (CRM14): Oorkonde K160p35902

(onleesbaar) Op hare helft van enen stucke lants dat + men heit Boxbrake op hare helft van enen stucke lants dat men heit Bennebrake , op hare heelft van enen beemde die men heyt Grobbe~beemt ende op hare helft van zesse boenre beemden gheleghen in die Vuchte , daer Hilwich Snoyen ende Heinric Boyst dwederdeel af hebben , van welken erfpachte voers_ mijn vrouwe Kateline ende haren convent voerscr_ welneer brieven hadden , die si med onghevalle van brande verloren hebben , ghelyc als Lysbet voers_ zelve voer ons mede heeft verlyt ende bekent ; altoes te gheldene desen erfpacht tote Breda metter maten van Breda op onser vrouwen dach lichtmisse als + men kersen draghet . In orconden desen brieve bezeghelt med onsen zeghellen , int jaer ons Heren M . + CCC . + vyftech ende neghen , twe en twintech daghe binnen lochmaent .