Corpus Van Reenen-Mulder (CRM14): Oorkonde K160p36805

Wy Jonaes van der Elste ende Bertelmeeus Godscalx sone scepen in Breda , orconden dat voer ons quam Han Sterke , Dierix Starken bastaerds sone ende leyde dat die priorinne ende ghemeyn convente van den nonnen bi Breda heffen ende houden zullen erflike vyftien oude groote tsjaers of custbairlic payment dat dair goed voir is uut den hoechuyse dat hem syn vader ghaf ende Jacob Rutgeers plach te sine , te ghelden erflicke ende alle jare den voirscr_ erfchyns op sinte Martyns dach in den winter . In orconde desen brieve met onsen zeglen bezeghelt . Int jaer ons Heren M . + CCC . + tsestich ende achte , twintich daghe in Aprille .