Corpus Van Reenen-Mulder (CRM14): Oorkonde K160p38102

Wij Jan die sloetmaker Cureyt der kerken van Breda . . Wouter van ykel Coster jn der zeluer kerke_ op die een side Ende Arnd Jans soen . en_ . Godevaert van Loenhout borghemeyst_e te breda gheco_mitteert jn dese zake vand_ ghemeynre Stat weghe_ van Breda op dander side . . Doon cond alle_ luden . Dat wij met goed_ eendrachte en_ minliche?t ou_mids wittighe bezoeke_ en_ haercome_ dat wi ond_vonden hebbe_ . om te beuelle_ enigherhande twidracht en_ ghescille die in toecomende_ tiden risen mochte_ tussche_ ons Cureyt en_ Coster vors_ op die een side en_ der ghemeynre prochie van breda an dander side gheaccordeert en_ verdraghe_ siin tote eenre ghestentigher declaracie op alzulke poynten als hier na gheroert en_ verclaert stande_ Jn + den eersten van ene_ kinde te kerstene_ zal hebbe_ die prochiaen Enen oude_ enghelske_ . of siin waerde Mer daer af sal hi den coster wtreyke_ een vierendele Jte_ zal die prochiaen hebbe_ van yghelike_ menske die tote sine_ jaere_ come_ is en_ ten Sacrame_te gaet ene_ oude_ swarte_ of siin waerde tote elke_ van + de_ vier hoghetiden voer siin offerande Dat es te wetene kersmisse . paesschen . sinxen en_ alre heylighe_ misse Jte_ zal die p_chiaen visentere_ met de_ sac_mente ende met den olysel alle die ghene die ziec siin en_ dies begare_ bi_nen der vryheit van breda sond_ enich ghelt daer af te eyske_ Mer doet hem yemand enighe hoescheit dat mach hi neme_ van gracien En_ soe waer hi bute_ der vriheit yemand visiteert met den sac_mente Daer af sal die p_chiaen voer sine_ arbeit hebbe_ twe oude enghels_ en_ die Coster ene_ oude_ eng_ Jte_ van eenre bruyt te ondertrouwe_ en van den k˚ndsel te doen in der kerke_ en sal die p_chiaen gheen ghelt eyske_ van rechte Jndien dat die bruyt ende brudegom of vriendt van hore_ weghen (onleesbaar) k˚ndeldaghe en_ name an den prochiaen vermane_ . Mer waert dat die bruyt of brudegom van onleden des niet ghedoen en konden En_ si an den prochiaen verzochte_ das hi des ghedenke_ wilde en_ hoere name teykende om der k˚ndsele te ghedenke_ Daer voer soude_ si den prochiaen gheue_ Enen halue_ oude_ grote oft die waerde En_ als men die bruyt trouwe_ zal Soe is si sculdich ter kerke_ te come_ met drie kersen wasse_ van zulker groette als haer ghen˚echt en an die een karse zal steken e? ziluere_ pe_ning dien sal die prochiaen hebbe_ met der karse_ Des ghelijc es die bruyt sculdich ene_ ziluere_ pe_ning den prochiaen als hi hoer sente Jans Ewangelie opt hoeft leset En_ ter recht_ offertorie jn + der missen es si sculdich te offere_ soe wes hoer ghen˚echt Voert zal die cost_ hebbe_ vand_ bruyt vore sine_ paes Ene_ oude_ holl_s of siin waerde Voert al? yemand des prochiaens brieue begaert om te betonen ene_ andre_ Cureyt bute_ sire prochien jn + den selue_ bysdom als dat hi ombeslet is van andre_ hilike Daer af sal die prochiaen hebbe_ na den statute_ drie oude grote En_ daer om sal hi hem k˚ndsel doen en_ brieue gheue_ En_ als hi die bruyt trouwet sal die prochiaen hebbe_ een paer handscoen en_ siin maeltijt of twe oude eng_ daer voer En_ die Cost_ van dien poynte des ghelijc Jte_ als een vrouwe ter kerke_ gaet van kinde soe zal + se die p_chiaen in~leyden en_ si sal offere_ soe wes dat hoer ghen˚echt en onghehoude_ siin van karsen te brenghe_ sine wilde dat van gracien doen En_ als men hoer sente jans ewangelie opt hoeft leest soe is si sculdich den prochiaen ene_ ziluere_ pe_ning En_ den Cost_ voer sine_ paes ene_ oude_ holl_s Jte_ soe wat like hier ter kerke_ coemt van bute_ der vriheit het si een ghedeghe_ like of een kint dat sal men brenghe_ voer der noene_ jn zulker tijt dat men daer misse ouer doen mach en_ offre_ als ghewoenlic es Mer coemt een ghedeghe_ like na der hoghemisse_ soe zalt verbeyden tote des andre_ daghes dat me_ daer misse ouer doen mach En_ woude_ die vreende dat lijc graue_ recht~voert als sijt brachte_ na der hoghemisse_ soe zulle_ si den prochiaen cautie doen een wtleyde_ daer na te doen of si sulle_ siin ghemoede daer af hebbe_ Dat ? te weten Ene_ oude_ grote_ En_ eest een kint dat lijc dat na der hoghemisse_ coemt en_ men recht~voert graeft Daer af sal die prochiaen hebbe_ voer sine_ offerande twe oude eng_ Jte_ en sal nyemand verbonde_ noch ghehoude_ siin tote enighe_ zeuende_ maenghwande_ of jaer~ghetide_ te doen na sine_ vriendt ten si dats hem zelue_ ghen˚echt van gracien te doen Jte_ soe wie dat jn der prochie van breda zayet ene_ viertels zaedt corens of daer boue_ die is den prochiaen sculdich te paeske_ twe broede van volre prouende En_ die beneden ene_ viertel corens zaeyt es hem sculdich te paessche_ een broet van haluer p_uende En_ voer elc broet mach men hem gheue_ ene_ oude_ eng_ En_ soe waer men niet en zaeyt daer sal hi hebbe_ van elke_ paer volcx te paeske_ ene_ oude_ holl_s Ende daer dat bedde ghescheide_ is ene_ halue_ oude_ holl_s Ende des ghelyx van + de_ ghene_ die huysraet houde_ en_ eenloep siin Ende soe waer die p_chiaen prouende broet heeft daer en sal hi gheen coster~ghelt af eysken . . Voert zal die coster hebbe_ te kersmisse voer siin recht van prouende broede en_ van ghelde jn alle der manire_ dat den prochiaen toeghesceide_ es dat men hem te paeske_ gheeft Ende dar + e_~boue_ zal hi te bamisse gadere_ siin coster~ghelt Dat es te wete_ van elke_ paer volcx ene_ oude_ holl_s Ende van wedewen of wedeware_ of eenlope_ lude_ die huysraet houde_ ene_ halue_ oude_ holl_s Jte_ sal die coster hebbe_ van ene_ ghedeghe_ like van ludeghelde ene_ oude_ g_ten En_ van ene_ kinde ene_ halue_ oude_ g_te_ Jte_ tote elke_ feesten als men in der kerke_ ghewoenlic es te bayaerde_ twe oude eng_ En_ als men dat Cruys om~draghet zoe sal hi hebbe_ vier oude eng_ van bayaerde_ Ende dit ghelt zal betale_ die ghene die an den cost_ verzoect dat men bayaerde_ zal Ende om~dat wi an alle_ siden dese declaracie wael en_ onverbrekelic houden wille_ . en_ gheloue_ te houde_ in goeden trouwe soe es dese brief Jn ghetuychnes besegelt met onse zegle En_ want ic wout_ van ykele Coster vors_ selu_ ghene_ zegel en hebbe Zoe hebbe jc verzoecht en_ ghebede_ Hare_ Rombout van yekel Cureyt der kerke_ van tsgraue_moer minen lieue_ oem Dat hi dese_ brief voer mi en_ jn minen name besegle_ wille Ende Jc Rombout van ykel cureyt der kerke_ vors_ hebbe ou_mids bede en_ verzoec wout_s mijns neue_ vors_ mine_ zeghel an dese_ brief ghehanghe_ Dit was ghedaen Jnt Jaer Ons here_ M . + CCC . + Tachtich en_ Een Twaelue daghe Jn Januar_