Corpus Van Reenen-Mulder (CRM14): Oorkonde K161p38801

(onleesbaar) omtrent elf lopen tsaet lands , ghelegen hier of drie loepen tsaet bi tzant tusschen Peters erve Van + der Voert ende Ghiben erve voers_ , ende noch vyf loepen tsaet gheleghen tusschen Peters husinghe ende Ghiben voers_ , ende noch drie loepen tsaet gheleghen in die Stive in + de Eckere , bi dat Russelen die twee loepen tsaet , ende dat derde tusschen Wouters Beckers erve ende Willekens van Zoelen , te~samen dese elf loepen tsaet lands voers_ om een zester rogs erfpachts (onleesbaar) Soe heeft Ghibe voers_ gheset tot eenen onderpande alse van + den voers_ erfpachte een half buender beemde gheleghen in + den Wynstert tusschen Heyn Tongherloes erve ende Jan Aerts soens erve . Ende Ghibe voers_ mach altoes sinen wille doen met allen houtwasse dat opten voers_ goede wassen mach . Ende waert dat zake dat Ghise voers_ die voernoemde landt opgheven woude , soe mach hyt opgheven in goeder tyt metten voers_ onderpande ende met ander + halven pachte , dats te weten met viere ende twintich loepen rogs (onleesbaar) Int jaer ons Heeren dusent drie + hondert tachtich ende achte op sinte Mathys dach .