Corpus Van Reenen-Mulder (CRM14): Oorkonde K168p35301

Wi Roelof die ridd_ arnt reyners soen seel heinen soen en_ hein scheenken van + d_ hoeue_ schepen in wcht doen cont allen luden dat voer ons comen is jan wedeghen soen e_en ghedeelt in ene_ huse hofstade ende houe welc hi had ligghende in die prochy van sunte lambrechts tot wcht aen deen side neffen die ghemein strate en_ neffen erfenis diederics van lint_en aen dand_ side / ende welc te + deel ghevallen is scalken kind_en van gielise haren auderwad_ als si seyden / wittelijc en_ erfelijc heeft hi vercoft gheeuken gielijs sone den selven coper erflijc te + besitten en_ te + ghebruken / Ende heu_ hem opghed_ghe_ ende halmelijc daer op verteghen ende hem daer in gheerft als ghewoenlijc is / Ende dese voerseyde ian heeft ghelou_ als een p_ncipael saecwelt op hem ende alle sijn goet dat hi den voerseyden gheeuke_ van desen voerseyden ghedeelt sculdech en_ recht waerscap sal doen en_ allen voercomm_ welc in desen voerseyden ghedeelt van huse hofstade en_ houe mach siin wtghenomen twelf pinni_ghe en_ tdordeel van vijs pinni_ghen altemael sal afdoen In orconde der waerheyt so hebben wi desen brief bezeghelt met onsen zeghel ons ghemeins schependoms Ghegheuen jnt jaer ons h_en dusent drie + hondert vijftich ende drie op sunte luucs dach des ewangelistes