Corpus Van Reenen-Mulder (CRM14): Oorkonde K168p35501

Wj Heinric Cnoden soen / lambrecht moerken / Jan Heinkens sone / ende heinric scheenken Schepene jn vucht Doen Cont Allen luden Dat voer ons comen is jan wilner sone ? er griete_ van + den eyschelaer Twe sester roghen jaerlijcs ende erfelijcs pachts welc hi vercreghen hadde van goswine heinkens sone voer een stuc lands hem ghegheuen tot erfpach Als schepen~lett_en van tshertogen~bosch die daer op ghem?ct sijn volcomeliken houden Witteliken heeft hi ghegheuen en_ opghedraghen met alle_ recht vorwarden en_ lett_en herre_ janne van vden den pape tot behoef der huusarme_ van vucht ende heuet hem opghedraghen en_ halmeliken daer op verteghen tot behoef der huusarme_ als voerseyt is Ende janne voers_ heeft gheloeft voert~ane op hem ende op alle sijn goet den voerseyden herre_ janne dese voerseyde ghift sonder enich wedersegghen vast ende ghestedich te + houden tot eweghen daghen / Jn orconde der waerheyt hebben wj desen brief bezeghelt metten zeghel ons ghemeyns schependoms Ghegheue_ jnt jaer ons here_ dusent drie + hondert vijftich ende (onleesbaar) Op sunte Mathijs dach des apostels