Corpus Van Reenen-Mulder (CRM14): Oorkonde K168p35801

Wj Heinric Cnoden sone Lambrecht moerken Janne heinken sone Ende Heinric scheenke_ schepene in vucht doen cont allen luden dat voer ons is come_ arnt wilneer sone wellens Ende heeft bekent dat hi is sculdich ene_ jaerlike_ ende ene_ erfelike_ tsijns vier scillinghe payments als jaerliken op + den dach der gulden ghemeynliken in b˚rsen sal gae_ wt sine_ huse en_ wt sine_ houe gheleghen jn sunte peters prochye Neffen erfenisse jans sobben aen deen side en_ die ghemeyn strate aen dander side H_en janne van vden den pape / tot behoef der huusarme_ van vucht Ghelouende dese voerseyde arnt / den voersyden h_en janne / dese voers_ vier scillinghe jaerlijcs tsijns der voers_ mu_ten aen den voerseyden huse en_ houe seker ende vast te + make_ op he_ ende op alle sijn goet tot eweghen daghen Den voerseyden h_en ianne dese voer_ vier scilli_ghe der voerseyd_ munten tot behoef der huusarme_ als voers_ is wt den voerseyden huse en_ houe toten hoghetide der gheb˚rten ons here_ jaerlike_ te + betalen . Jn orconde der waerheyt hebbe_ wj desen brief bezeghelt open mette_ zeghel ons ghemeyns schependoms Ghegheue_ . jnt jaer ons h_en Dusentich Drie + hondertich Vijftich en_ achte jn sunte jans daghe bapt_ . te midden~zomer