Corpus Van Reenen-Mulder (CRM14): Oorkonde K168p36301

Wj Arnt Reyners soen Mercelijs heinen soen jan ty_merman / Ende wouter grieten soen . Schepene jn vucht Doen cont allen luden / dat voer ons sijn comen / lijsbeth wiln_e wittich wijf Jans geheyten goelijfs dochter wiln_e jans jordaens soens met haren mo_b˚r van haer daer + toe vercoren en_ haer wittichliken van + den richter daer + toe gegeuen En_ jan geheyten koc haer Neue der voersc_ lijsbetthen Een eynde van ene_ stuc lands also verre als he_ aenverstorue_ mocht wesen van + den voerscreuen janne jordaens sone en_ van katelinen wiln_e sinen wiue vader en_ moeder der voersc_ lijsbetthe_ . welc voerscreuen eynde des voersc_ stuc lands is gelegen jn sunte lambrechts prochye tot vucht tusscen boe_gaert jordaens goedsscalcs en_ hubrechts en_ der gemeynten aldaer gelegen metter ander siden reykende also verre als die voers_ boe_gaert jn lengden is begrepen . . Wittichliken hebben si gegeuen en_ halmeliken opgedragen den voerscreuenen jordaen goedsscalke en_ hubrechte broed_en der voers_ lijsbetthen en_ hebbent he_ daer op vertegen als gewoenliken is / Gelouende dese voers_ lijsbeth met haren mu_bur en_ dese voersc_ jan als principael saecwoude ongesceyden op he_ en_ op alle haer goet / den voerscreuene_ jordaen goedsscalke dese voersc_ ghift opdragen en_ vertyen des selfs sonder enich wederseggen vast en_ stedich te houden tot ewegen dagen . . Jn kennissen der waerheyt hebbe_ wj desen brief bezegelt mette_ zegel ons gemeyns . scependoms . . Gegeuen jnt jaer ons h_en Dusentich drie + hondertich Tsestich en_ drie . . Des dijnsdages na sunte bertholomeus dach des apost_ . .