Corpus Van Reenen-Mulder (CRM14): Oorkonde K168p36701

Wj Arnt Reyneers soen . Mercelijs heinen soen . jan ty_merman . En_ heinric die jonge . . Schepene jn vucht / Doen cont allen luden . Dat voer ons is comen . jan geheyte? koc wittege sone wiln_e jans gheyten koc / En_ heeft halmeliken vertegen . op alle goede erfenisse en_ haue ruerende en_ onruerende welke jordaen goedscalc en_ hubrecht gebruedere hebbende en_ besittende sijn en_ h˚n sijn bleuen van dode haers vader en_ hare moder En_ h˚n jn rechter deylingen bewijst was tusschen h˚n . janne voerscreuen . en_ alle haren medeerfghenamen . Gelouende dese voerscreuen jan als een principael saecwout op hem en_ op alle sijn goet h˚n den voerscreuenen . jordaen . goedscalken en_ hubrechte dit voerscreuen vertyen sonder enich wederseggen vast en_ stedich te + houde_ tot ewegen dagen . . jn kennissen der waerheyt hebben wj desen brief bezegelt metten zegel ons gemeyns schependoms . Ghegeuen . des sonnendages na sunte dyonijs dach jn + de jaer ons heren als men screef / Dusentich . + Drie + hondertich . + Tsestich en_ Zeuen . .