Corpus Van Reenen-Mulder (CRM14): Oorkonde K168p36801

Wj Engbrecht van baex . jordaen jans zoen . Didderic bolant En_ Ghijsbrecht wouters soen . . Schepene jn vucht Doen cont allen luden Dat voer ons is comen . Mergriete wittege dochter wiln_e arnt knode met horen mo_b˚r van haer daer + toe ghecoren en_ haer wittichliken van + den richter daer + toe ghegeuen Enen jaerliken erfeliken tijns Tweyntich scillinge payments als op den dach der gulden gemeynliken jn b˚rsen sal gaen jaerliken te + geuen en_ te + gelden op sunte lambrechts dach des mart_ wte enen stuc lands gemeynliken geheyten die distelecker gelegen jn sunte peters prochye tot vucht Tusschen erfenissen jans gheheyten coninc aen deen side . en_ peters geheyten eyseleer aen dander side . . wittichliken heeft si vercoft aelbrechte haren broeder En_ heefte_ hem opgedragen en_ met ene_ halme daer + op verthegen . Ghelouende dese voerscreuen vercoepster mergriete met horen mo_b˚r voerscreuen als een principael saecwoudst_ op haer en_ op alle haer ? den voerscreuenen aelbrechte den voerscr_ tijns goet en_ waeldoghende te + maken tot ewegen dagen . . jn kennissen der waerheyt hebben wi desen brief bezegelt metten zegel ons gemeyns schependoms . Gegheuen des andages van pinxdach jn + den jaer ons heren als men screef Dusentich Drie + hondertich . + Tsestich en_ achte . .