Corpus Van Reenen-Mulder (CRM14): Oorkonde K168p36901

Wj Erbrecht van + der scervoert / Arnt Reyneers soen . Jan ty_merman . En_ Ghijsbrecht lisen soen . . Schepen . . jn vucht / doen cont allen luden . dat voer ons sijn comen . Didderic bolant en_ katelijn wittich wijf des selfs didderics met haren mo_bür van haer daer + toe vercoren en_ haer wittichliken van + den richter daer + toe ghegheuen . . Enen jaerliken en_ enen erfeliken tijns tweyntich scillinge payments als op den dach der gulden gemeynliken jn b˚rsen sal gaen jaerliken te + geuen en_ te + ghelden op sunte Remeys dach des _fessoers vte enen houe der voerscreuenre katelinen aenverstoruen van henric geheyten scheenken haren vader ende van truden hare moeder Gelegen in sunte lambrechts prochye / tot vucht tusschen erfenissen Claus geheyte_ cok aen deen side en_ clemeynsen jacobs dochter aen dander side . als si seyden . . wittichliken hebben si vercoft jordaen katelinen soen / en_ henric scheenken broeder der voerscreue_re katelinen tot behoef der kerken sunte lambrechts . Ende hebbenen h˚n opgedragen en_ halmeliken daer + op vertegehen . Ghelouende dese voerscreue_ didderic en_ katelijn voerscreuen met haren mo_b˚r / als principael saecwoude onghesceyden op h˚n en_ op alle haer goet den voerscreuenen cop_en jordaen en_ henricke tot behoef der kerken als voersc_ is recht waerscap te doen . En_ h˚n dat voerscreuen vercopen opdragen en_ vertyen des selfs sonder enich wederseggen vast en_ gestedich te houden tot ewegen dagen . . jn kennissen der waerheyt hebben wj desen brief bezegelt metten zegel ons gemeyns schependoms . . Gegeuen des sonnendaghes voer sunte dyonijs dach des co_fess____ jn + den jaer ons here_ als men screef Dusentich . + Drie + hondertich . + Tsestich en_ Neghen . .