Corpus Van Reenen-Mulder (CRM14): Oorkonde K168p38201

Wij ort Reniers soen Dirc bolant nicoel van straten ende maes die brouwer Scepen te vucht tughen dat voer ons comen is dirc gheheite_ bolant voerscr_ enen jaerleken ende erfeleken pacht va_ vier lope_ rogghen der maten van tshertogenbossche jairleken te ghelden vte enen stuc lants tot alre heileghen misse dat wilneer was reinkens v?n berch ? gheleghen in sunte lambrechts prochie te vucht tusschen erfenissen jacobs van + den wiel ende herma_ des groetleuwen aen die een side ende der ghemeinre straten aldaer gheleghen aen die ander side witteleken ende erfeleken heeft hi vercoft wout_ gheheiten sceenken ende gielijs soen wilneer jans van + der hoeuen tot behoef der tafelen des heilijchs gheest te vucht van + den seluen erfelijc te hebben ende te besitten den voerscreuene_ pacht en_ heeften hem opghedraghen ende helmelijc daer + op verteghen ghelouende dese voerscreue_ dirc vercop_ op hem ende op siin goet dat voernoe_de stuc lants altoes goet en_ doghende te maken voer + den voerseiden pacht ende alle (onleesbaar) der (onleesbaar) daer in wesende altemael af + te + doen met voerwaerden toeghedaen dat die heilighe gheest sal gheuen ongh? goeswiin knoden tot horen liue alle jaer een paer scoen jn ke_nissen der waerheit soe hebben wij Scepen desen brief open beseghelt metten seghel ons ghemeins scependoms ghegheuen des sondag_ na groet~vastelauont als men screef dusentich drie + hondertich tachtentich ende twe - - - -