Corpus Van Reenen-Mulder (CRM14): Oorkonde K182p40001

Wy Jan van Carnscot ende Jan van Ghilze , scepen in Ghilze , orconden dat voer ons quam Joncvrouwe Kateline , natuerliken dochter ons liefs heeren wylen was tsheeren van + der Lecke ende van Breda , die hi hadde van Katelinen Bertelmeeus dochter was van + den Water , met horen momber die hoer metten recht ghegheven waert , ende lyde dat si wittelyc vercoft hadde om een somme van ghelde die haer vol ende al betaelt is heren Wouter van Goerle priester , twee pondt ende zesthien penninghe grote tsjaers erfchyns payments , daer deen coman den anderen mede betalen mach , te ghelden erflyc ende alle jaer op sente Mertyns dach in + den winter , uut alrande onderpanden gheleghen in die Vyf~Hoeven in die ghilsghe~Vucht tote Ghilsghe , ende alrande persone hier + na ghenoemt , jaerlicx uut~reyken , dats te weten Godevaert uuten Berghen van tween buynren ende een vierendeel zesse scellinghe grote payen . vorscr_ . Item Peter Boyst van tweeen buynren een derdedeel min drie scellinghe vier penning grote . Item Wieric die Jonghe ende Nys van Riele van drien buynren zoeven scellinghe neghen penning grote . Item Jan Oebrecht van drie buynren zesse scellinge grote . Item Ghysbrecht Zwevers erfghenamen van hoeren deel van vyft + alven buynre vyf scellinghe grote ende Wynric van sinen deel van + den selven goede drie scelling grote . Item Goeswyn van Chaem van ander + halven buynre drie scellinghe grote . Item Heynric Godevaerts Reyners soens van drien buynren zoeven scellinghe drie penning grote payen vors_ . Te vryen ende te waren desen onderpande vors_ metten erfchynse vors_ , behoudelyc dien dat heer Wouter vors_ jaerlicx uut~reyken sal van den vors_ erfchyse den heer van Asperen enen groten ende Aernst van Pollanen twee grote payen vors_ . In welken erfchynse voers_ heer Wouter voers_ ghevest is ende toe~ghedaen met vonnisse ende met recht so dat hi hem seker es ende vast . In orconde desen brieve met onsen seghelen beseghelt int jaer ons Heeren M . + ende vier + hondert , op sente Baven dach .