Corpus Van Reenen-Mulder (CRM14): Oorkonde K185p34901

Wy Jacob Jacobs soen ende Thomaes Eghenhout , scepen in Oesterwijc , maken cont enen ygheliken dat quam voer ons jonfrouwe Gudelt Bertout Bacs suster was van Westilborch , ende bekende hoer dat si sculdech is van wyttechtegher scout Willem van Ghestel horen suagher , ses pont ouder groet tot sijnre maninge ende tot sinen wylle the betalen ; ende daer soe heet si voer Wylleme van Ghestel voerseyt in die hant gheset tot enen onderpande al alsulcke versterf ende al alsulcke dele als jonfrouwe Gudelden vorseyt verstorven is , ende versterven mach in + den goede in Udenhout . In orconde desen brieve beseghelt open met onsen seghelen . Ghegheven in + den jaer ons Heren dusent drye + hondert veertech ende neghen , op des heylichs cruus dach , dat + men heyt ons Heren opvaert .