Corpus Van Reenen-Mulder (CRM14): Oorkonde K185p34904

Wy Jacob Jacobs soen ende Jan Wouters soen , scepen in Oesterwijc , maken cont enen ygheliken , dat quam voer ons Ghisebrecht gheheten Bac , ende bekende hem dat hi hadde vercocht in enen witteliken coepen , na volcomenen gheboede daer af ghedaen in + der kerken van Westilborch alsoe als recht was , als ons tue man seyden uter prochie van Westilborch , Heinriken gheheten Wissen , een mudde rogghen jaerlijcs ende erffelijcs pachs the leveren ende the betalen alle jaer op onser vrouwen dach als + men kersen dreet , ende dat + men hem ghelden sal van tue stuken lands the Westilborch gheleghen ende die Claus Haerman van Ghisebrechten Bac voerseyt houdende is ende van eenen buunre broecs gheheten Kivitslaer . In orconde desen brieve beseghelt open met onsen seghelen in + den jaer ons heren dusent drye + hondert veertech ende neghen , tsmaendaechs na sente Mertens dach in + den winter gheleghen .