Corpus Van Reenen-Mulder (CRM14): Oorkonde K185p35101

Wy Jacob Jacobs soen ende Peter Judaes , scepen in Oesterwiic , maken cont enen ygheliken dat voer ons Jute die wijf was wilnere Aerts Wevers , Aert hoer soen , ende Jan gheheten Henten Bole hoer zuagher , ende bekenden hem dat si hebben ontfaen van jonfrou Gudelden suster wilnere Aerts gheheten Bertout Bac van Westilborch , een huus met sijnre toe~behoerten , gheleghen binnen der vryheiden van Oesterwijc bi + der erffenissen wilnere Berten gheheten van den Woude , van welken huse voers_ dat + men den persoen van Oesterwijc alse den hove den gronds vier scellinghe ende drye penninghe gheldende is , als si seyde , ende daer toe een hostat die daer by gheleghen is , daer men den Willemonen van + den Bossche ses penninghe af gheldende is ; ende noch daer toe enen hof die after desen selven erven gheleghen is , welc erffenis voers_ der vorghenoemder jonfrou Gudelden toe~horende sijn , ghelike als dat in + den brieven der scepen van Oesterwijc daer af ghemaect volcomeliken begrepen is ; van deser selver Juten , Aerde ende Jan voers_ in enen rechten erfrecht te besitten om dien chijns die + men den hove voers_ in alsulker payen ocht in alsulker munten als + men dat van ghewoenten of van recht sculdech is te ghelden , in terminen die daer toe behorende sijn , welken chijns nochtan Jute , Aert ende Jan voers_ , als bode voer jonfrou Gudelden voers_ , ghelden salen ende voerdaen om enen jaerliken ende erffeliken chijns van veertech scellinghen , den grooten coninx tornoyschen penninc out voer sestien penninghe gherekent , op payment der selver weerden , alle jaer in sente Lambrechs daghe die bisscop ende mertelere was te ghelden ende te betalen . In orconde desen brieve beseghelt met onsen seghelen in + den jaer ons Heren dusent drye + hondert vijftech ende ene , tsondaechs na sente Lambrechs dach die bisscop ende mertelere was .