Corpus Van Reenen-Mulder (CRM14): Oorkonde K187p39601

Wij willem andries zoen was jan van + der raffendonck jan die kro_me jan die gruter va_ roder~eyghen henric van + de_ schoer Peter van + de_ schoer en_ jan van voirt scepen in oirscot tughe_ onder onsen ghemeyne_ seghel dat voir ons come_ is Gherit jan roestenberchs zoen was / en_ heeft erfelike_ ghepacht teghen janne_ Rutghers soen was van + de_ scadecker een stuc lants gheheite_ dat hoghe Ro? ghelegen tot airle in + der prochie_ van oirscot met eenre siden aen erfenis Danels kinder van + de_ scadecker / metter and_re side_ aen jans erue rutgers zoen voirs_ streckende met ene_ eynde aen een ghemeyn straet Om een mudde goits en_ gheefs rogghe_ siaers erfs pachts der gherechter mate_ van oerscot alle jair op ons_ vrouwe_ dach lichtmisse als + me_ kersen bornt te ghelden en_ te betalen / En_ dat jan Rutghers soen vors_ heeft gheloeft op hom en_ op sijn goet voir hom en_ voir sine_ erfgenamen na hom / de_ voirs_ gherarden en_ sine_ erfghename_ na hom Dat voirs_ stuc lants te were_ ouer de_ voirs_ pachte als + me_ erue met rechte sculdich is te weren / en_ alle_ vorco_mer dair in anders af te doen sonder weder~segghe_ ghegeue_ in + de_ jair ons here_ gheboirt duzent drie + hondert neghentich en_ sesse opten veertienden dach in meerte .