Corpus Van Reenen-Mulder (CRM14): Oorkonde K197p36202

Wij Didderic van + den Bekerdijc ende Willem van + der Aa , scepen in Beke tughen onder onsen ghemeinen zeghel , dat voer ons waren ghestaen die provisoren ende meesters des heileghe gheest ende der kerken van Beke , ende gaven Machghiel van + den Hagorst als van + des heileghe gheest weghen ende der kerken voers_ een half huus met den halven hof dat gheleghen is aen die berte , dat welneer was Katelinen van + den Hagorst ende Jans haers mans , om eelf lopen rogghen erfs~pachs , ende om dat aendeel van + den chijns die men gheldende is van + den ghemenen goede , ende altoes den voers_ pacht op alre heileghen dach te betalen , ende Machghiel voers_ die sette dat ander deel van + den huse ende van + den hof voers_ tot enen onderpant den voers_ pant jaerlex te betalen , voerdaen eest vorwaerde dat soe waneer Machghiel voers_ van live comen es tot der doot , dat dan die heileghe gheest ende die kerke voers_ jaerlex hebben solen een pont tsaers erfs~chijns aen dat ander deel van + den huse ende van + den hove voers_ dat Machghiel nu toe~behorende is . Ghegheven te beloken paeschen in jaer ons Heren dusent drie + hondert tsestich ende tue .