Corpus Van Reenen-Mulder (CRM14): Oorkonde K207p32801

Wj Heynric (onleesbaar) en_ willem jans sone scepen in hoestrate_ Doen Cont allen den ghene_ die desen brief selen sien of horen lesen Dat voer ons siin comen op een side k? zanthouen die her wouter mouwen dochter was daer goet de ziele af hebbe met haren monbore robbrechte mouwen die haer monbore wart bi den vonnisse en_ bi den rechte na wilkoren haere wittiiche mans arnouts tcosters va_ zanthouen . En_ op een ander side . wouter mouwe haer broeder / En_ kenden en_ v_liden dat si hadden ghesproken en_ ghemaect vorwaerden die hier na bescreuen staen . Dats te + wetene dat kat_ine en_ robbrecht haer monbore vorseit hadden ghegheuen / Den vorseiden wout_en mouwen . al selc recht als si kat_ine vorseit hadde soe dat haer was bleue_ va_ dode hare . . vader of hare moeder soe dat siit hadde ghecocht en_ v_creghen in de huissinghe daer her wouter mouwe vorseit haer vader vte sterf op enen erf~tciins va_ acht scellinghe_ groter tornoyse Een ouden grote_ conincs tornoysen goet en_ custbaer gherekent ouer enen penninc erfliic en_ jaerlics te heffene en_ te nemene . die ene helft tot allen kersauonden in de wint_e . En_ die ander helft tot allen sente jans missen in den zom_en . Oec es te wetene dat Symoen Danen poerter va_ antw_pen heeft en_ heft erfliic en_ jaerliic ane dese voerseide huissinghe en_ ane tgoet gheleghen buten tga?huis daer tscure ane staet / viif pont (onleesbaar) tornoyse der ouden groten connincs tornoysen goet en_ Custbaer gherekent ouer sestien pe_ninghe . En_ want wouter mouwe voorseit dese vorseide huissinghe heeft ghecreghen op erf~ciins gheheeliic en_ al Soe jeghen kat_inen vorseit Soe jeghen Dane_ die daer recht in hadde en_ noch haren tciins hebben / Soe gheloefde hi en_ kende dat hi soude ghelden Symone Dane vorseit sinen vorseiden tciins en_ allen den tciins die de vorseide huissinghe sculdich ware tot allen jaren en_ tot allen tciins~daghen / Sonder afcor? der vorseider kat_inen tciins / Oec meer soe kende wouter vorseit en_ belide / dat al selc recht als hem was bleuen va_ sinen . . vader en_ va_ . . sire Moeder in die vorseide huissinghe en_ jnt goet gheleghen buten tgasthuis dar tscure ane staet / Soude wesen en_ bliuen een aenwedde en_ een erfliic onderpant metter vorseider huissinghen der voerseider katerine_ . en_ den . . anderen daer hi die huissinghe jeghen heet ghecreghen / elken na ghelande dat siin recht en_ siin tciins groet es in de? vorseide huissinghe / Oec meer bekende wouter voerseit dat siin recht in een acker heit de cloet soude wesen en_ bliuen aenwedde en_ onderpant allene kat_inen vorseit met desen voerseiden onderpanden En_ alle dese vorseide vorwarden worden kat_inen vorseit ghe? en_ vast ghemaect va_ wout_en vorseit / En_ wout_en weder ghev?st en_ vast ghemaect va_ kat_inen en_ robbrechte hare_ mo_bore vorseit metten vonnisse en_ metten rechte jn orconde des jeghew?ghen briefs (onleesbaar) (onleesbaar) met onsen vithanghenden zeghelen ghemaect en_ ghegheue_ jn den jare onse h_en als men sceef Dertien hondert en_ acht en_ tvintich ?daghes (onleesbaar) sente jans dach in den zom_e . .