Corpus Van Reenen-Mulder (CRM14): Oorkonde K218p37501

Wij Art die tymerman ende jan pet_s zoen . . Ma_ne ons_ liuer geducht_ vrouwen van brabant tuge_ ond_ onse zegele_ dat voer ons in bladel siin come_ . . willem gerarts gensers zoen was voer he_ selue_ ende voer Elisabette sire sust_ ende kerstine des vors_ wille_s sust_ voer ha_e selue_ en_ met ha_en monboer Ende hebben alle goet erue ende haue dat hon ende der vors_ Elysebetten hoerre sust_ bleue_ ende v_storuen is van gherarde ho_en broeder was waer oft in welcke_ dat ghelege_ is gedeylt erfleke_ in broderlik_ ende zusterlik_ deylinge met enen seggen doe dat in des_ deylinge erfleken gheuallen is den vors_ . . kerstine_ tot ha_en behoef ende ha_en erfgh_ame_ na ha_e Een half mudde rogghen siaers erfs~pachts der maten va_ bladel dat + me_ den vorseide gherarde gerarts gensers zoe_ was ho_en brodere te + gelden plach vte dire hoeuen geheiten Rutkens~hoeue die gelege_ is in + d_ p_chie van bladel aen Arts rutten hoeue mett_ eenre siden ende aen die gemeente mett_ and_er side_ als sie zeiden Ende dat die vors_ wille_ helmeli_ge op dat vors_ halue mudde rog_ siaers heeft v_tegen tot ewegen dagen Ende dat die selue wille_ vors_ heeft geloest op he_ ende op Siin goet dese vors_ deylinge eweleken vast ende gestendich te hauden ende dat hie die vors_ Elysab_ sij_ suster op dat vors_ halue mudde rog_ siaers sal doen v_tien ende dese deylinge vast ende gestendich doen hauden geliic hem seluen En_ o_me m_re vastheit ende zekerheit heeft die vors_ wille_ Arde den genser tot ene_ borghe geset dat + hie en_ Elysabet vors_ dese vorghenoe_ deylinge vast en_ gestendich soele_ haude_ Gegheue_ int jaer ons h_en geboert dusent drie + hondert tseuentich ende viue op den viue ende twentichsten dach in Meerte . .