Corpus Van Reenen-Mulder (CRM14): Oorkonde K220p34401

Wi danel die Rademaker / willem stinen sone / wouter die scoemaker jan barts henric smeits henric claus sone en_ didderic van + der heyden Scepene jn Eersel / tughen dat comen is voer ons jan henrics svolres sone va_ Eersel was En_ heeft vercocht / en_ gheliet en_ ghekent dat hi vercocht heeft voer hom voer sijne erfghename na hom en_ voer sijne nacomelinghe henric van stockel / tot sijnen behoef sijnre erfghename na hom oft sijnre nacomelinghe / een mudde goets Roghs Erflike en_ ommermere alle jaer namaels op onser vrouwen dach als men kersen dreycht mit der gherechter maten van Eersel te betalen en_ te ghelden En_ te heffen vte sijne_ huys en_ hoeue mit sijnre toebehoert gheheiten tot~der~quaet~wassche / jn die prochie van Eersel gheleghen / En_ jan voerseit heeft henric van stockel voerseit jn dit voerseide huys en_ hof mit sijnre toebehoert voer dit voersproken erf~mudde Roghs doen hoeue_ en_ Eruen bi manen des hoefs en_ mit wisen der late also als ghewoenlike en_ Recht is jn tijns~goet / En_ gheloeft te weren als men Erue mit Rechte sculdich is te weren / En_ alle voercommer af te doene vte~ghenomen des heren tijns van den boedem . jn Orkonscape ons ghemeyns seghels onser vriheit van Eersel aen desen letteren ghedaen Ghegheuen jn den jaer ons heren gheboert dusent dri + hondert veirtich en_ vier op dien sees en_ + , twentichsten dach van Meert .