Corpus Van Reenen-Mulder (CRM14): Oorkonde K220p34402

Wi danel die Rademaker willem stinen sone was wouter die scoemaker henric smeits henric claus sone didderic van + der heyden En_ Ansem van + der houen Scepene in Eersel tughen onder onsen ghemeynen seghel dat voer ons is comen didderic van dusel dien men heit van + der heyden ons mede~Scepene en_ heeft vercocht en_ gheliet en_ ghekent dat hi vercocht heeft in enen erfliken Recht voer hom / voer sijne erfghename na hom en_ voer sijne nacomelinghe henrijc van stockeloe tot sijnen behoef / sijnre erfghename na hom oft sijnre nacomelinghe vier stucken winnens lands gheleghen in die prochie van Eersel daer dat een af is gheheiten die huysecker dat ander die kercecker dat derde dat cloetlien en_ dat vierde die Crikelbosch also alsi didderic voerseit toebehoerden En_ didderic voerseit heeft henrijc enen brief dien hi van deser voerseider erffenisse hadde mit allen Recht en_ mit allen voerwarden gheliker wijs als hise daer af hadde ouer~ghegheuen in henrics hande van stockeloe voerscreuen . . Ghegheuen jnt jaer ons heren gheboert doe men screyf dusent / + dri + hondert / + veirtich en_ + vier sdyndachs na sinte martijns dach bisscops