Corpus Van Reenen-Mulder (CRM14): Oorkonde K220p35201

Wi danel die rademaker / gherart lachghards godeuart scuensincs / heinric nyclaus zoen / heinric dyonijs zoe_ / heinric nouts en_ heinric die win Scepen_ in eersel tughe_ onder onse_ ghemeyne_ Seghel dat voer ons come_ is heinric Smeeds en_ heeft erfelike vercoft voer hom en_ voer sijn erfghename_ nae hom / didderike heinrics zoene tuernem van rerhien gheboren / tot sine_ behoef . en_ sijnre erfghename_ nae hom Een mudde goeds rogghe_ en_ gheefs alle iaer erfelike en_ o_mermeer op kersauont te ghelde_ en_ te betale_ met der gherechter mate_ van Eersel / En_ te heffe_ en_ te boere_ / vte des voerseyde heinrics houe met sine_ toebehoerten streckende . tot willems luten beempt toe van shertoghe_ strate_ ghelijc alst de_ selue_ heinric daer toe~behoert / gheleghe_ in der prochghien van eersel En_ vte der beteringhe_ van de_ hese~ecker / die des voerseyde heinrics is als hi seyde / en_ vte der beteringhe_ van der kraen~brake_ gheleghe_ in der voerseyder prochghien van eersel / bi die kerke / dat is te wete_ vte dien dat dat beter is dan der here_ tijns daer af / en_ dan een mudde rogghe_ syaers dat me_ daer vte gheldende is / En_ dat heinric voerseyt den voerseyden didderic hier in heeft doen houe_ en_ erue_ als ghewoenlijc en_ recht is in tijns~goet En_ dat hi voert gheloeft heeft op hom en_ op sijn goet / didderike voerseyt en_ sine_ erfghename_ nae hom dit voerseyde mudde rogghen syaers in dese voerscreue_ onderpande te were_ als men erue met recht sculdich is te were_ / En_ alle voerco_mer af te doen vte~ghenome_ der here_ tijns / Ghegheue_ in den iaer ons here_ als men screef Dusent drie + hondert vijftich en_ twe op den leste_ dach van gherste~maent .