Corpus Van Reenen-Mulder (CRM14): Oorkonde K220p35603

Wi Symoen danels zoen / Nyclaus van parweys / heinric nyclaus zoen / bartolomeus hoyfmans / heinric die win / heinric steen~voert / En_ Mathijs wellens Scepene in Eersel tughen onder onsen ghemeyne_ Seghel / dat voer ons come_ sijn . loye boy / en_ gherart boy sijn broder / en_ hebben ghekent en_ gheloeft heinrike van stockeloe / seue_ mudde goeds rogghen / en_ gheefs / der gherechter mate_ van eersel / erfelike / en_ alle iaer / op onser vrouwen licht~misse als men kersen bornt te ghelden / en_ te betalen vte ene_ erfenisse met sine_ toebehoerte_ gheheyte_ die hoeue / dat men oec heyt die honds~bossce / gheleghen in der prochien van eersel ghelijc als dat daer ghepaelt en_ besceyden is / en_ dat des voers_ loys en_ gherards vader voermaels te wesen plach / Ende soe waer den voers_ heinrike / en_ sine_ erfghename_ nae hem die voerscreue_ erf~rogghe iaerlijcs op den voerseyde_ pacht~dach niet betaelt en worde / oft hoer moet daer af ghewerue_ / soe eest vorwarde / dat heinric voers_ / oft sijn erfghename_ nae hem / dan hoer hant slaen soelen moghen / aen die voerscreue_ erfenisse / ghelijc oft si dat verreyct hedden / met allen recht / Ghegheue_ in den iaer ons heren als men screef Dusent / + drie + hondert vijftich en_ sesse / op den lesten dach van den Sporkelle .