Corpus Van Reenen-Mulder (CRM14): Oorkonde K220p35702

Wy Symon danels zoen . Heinric steenvort . Ghodeuart stedekijn . Heynric danijs . Wouter hoyfmans . Willem scotels . en_ Dyder_c die Moller Scepene jn Eersel tughe_ ond_ onse ghemeynen Seghel Dat vor ons is com_ Heynric gheheiten sloude katheline_ zoen was van + d_ acht_ en_ lide en_ kende dat + hie sculdich is van wyttegh_ scoudt Heynriken gheheite_ van stocloe ziestich aude scilde ghoet van goude en_ swaer van ghewichte en_ dat heynric sloude vors_ des tot Ene_ onderpande heeft gheset heynriken van stocloe vors_ sijn lief . ende sijn ghoet . dat + hie haudende is oeft e_m__meer v_crighe_ mach . waer dat gheleghe_ is jn dypen oeft jn droghe_ . Ghegheue_ jnt jaer ons h_en . Dusentich . + Drie + hond_tich . + vijftich en_ Seuen . op Sente Symon en_ judas dach apostelen . .