Corpus Van Reenen-Mulder (CRM14): Oorkonde K220p35801

Wi Symon danels zoen heinric steenvort ghodeuart stedekijn heinric danijs wouter hoyfma_s wille_ scoedels en_ dyde_ic die moller Scepene in Eersel tughen onder onse ghemeyne_ zeghel dat vor ons is coeme_ heinric van stocloe ghehete_ ende heeft Opghedraghen erflijc en_ ghegeue_ vor he_ ende vor sine_ erfgh_amen nae he_ heinriken nyclaus zoe_ was va_ stocloe en_ sine_ erfgh_ame_ nae he_ Alle goet eest hoeue eest ue dat he_ toebeho_ende is en_ waer dat ghelege_ is in dypen oeft in droghe_ ende jn wijs h_en lande dat ghelege_ is . en_ dat heinric va_ stocloe vors_ op dit vorscreue_ Goet helmelinghe heeft verteghe_ te eweghen daghe_ tot behoef heinrics nyclaus zoen was vorsproke_ en_ sine_ erfgh_ame_ nae he_ vutghenome_ een Segghen met alle_ sine_ rechte dat gheet tusghen heinriken van stocloe vors_ lyesbetten va_ de_ molen sire (onleesbaar) en_ wout_en hoeren Manne en_ alle heinrics witteghe scoudt va_ stocloe vors_ te maenen en_ die te jnnen Gegheuen jnt jaer ons h_en Dusentich drie + hond_tich vijftich en_ achte op Sente Gudelen dach der heilegher m?ghet .