Corpus Van Reenen-Mulder (CRM14): Oorkonde K237p34501

Wi Jan Ansem van Ele ende Jan de Raet , scepenen in Turnout , doen cont allen den ghenen die dese letteren selen sien oft horen lesen , dat vor ons is comen Jan van den Plasch ridder , ende heft ver~erfcijsd enen wyer gheleghen bi Voslaer ende dien ieghen hem vercijsd Gilijs Jans + zone van Papenbrugghe , iaerlijcs ende erflike elcs iaers om drie gulden royale oft payment dat daer vor goet is , te ghevene ende te ghelden alle iaer in sente Remeys daghe , behoudelike altoes dat dese vors_ Gilijs sal ghelden tseren tsijs die + men van dien wyer pleght te ghelden , ende daer af den vornoemden heren Janne ontheffen ; ende om die merre zekerheyt heft dese vors_ Gilijs den vornoemden heren Janne ghesedt tot enen onderpande enen beemd in Weynsel gheleghen op die Lake . In kinnissen deser dinc hebben wi Jan ende Jan scepenen vornoemde desen brief bezeghelt met onsen properen zeglen , in sente Jacops daghe apostel , int jaer ons Heren als men scrijft dusent drie + hondert vertich ende vive .