Corpus Van Reenen-Mulder (CRM14): Oorkonde K244p30601

Wi ard van der molen en_ willem van der dilf Scepenen in andwerpen maken kond allen den ghenen die dese lettre zelen zien ochte horen lesen / dat voor ons komen es in propren p_sonen / clais strubolle de oudecleder~vercopre die woend in groot~coppens~holle ende verliede dat hi vercocht heeft den godshuse van sente bernards op thuus daer hi in woend / dat staed op svoorghenoomds gods~huus eyghin dat hi hout ter stat~rechte van den voorghenoomden gods~huse / twintigh s zwarter tornoise siaers eerfleke omme ene su_me van ghelde die hi verliede dat hem wel vergolden was te gheldene telken sente baues daghe of de waerde der af in andren paiemente / behoudeleke den cenze die tvoorghenoomde godshuus heeft an dat eyghin daer tvoorghenoomde huus op staed . Jn orkondscepe van deser ding zo hebben wi onze zeghele ghehanghen an dese lettre . Die was ghemaect int Jaer ons h_en als men screef . M . + ccc . + ende sesse . svridaeghs na sente Jacobs dagh ende Sente _ofers . -