Corpus Van Reenen-Mulder (CRM14): Oorkonde K244p35101

Wij wout_e van + den broeke ende laureins volcart Scepenen jn antw_pen maken cond dat vore ons quam jan wilmaer zoene claus wilmaers ende bekende dat hi ghegheuen heeft in gherecht_e ende in ghestadegh_e ghichten clause van + den werue Sinen swagher ofte den hebb_e van d_re l_ren / alle dat guet ligghende en_ Rurende welk_ande dat es Soe waer dat gheleghen es ende vonden wordt . dat hem v_storue_ was ende behoerde van doede vrouwen margrieten die wittelec wijf was Sh_ Robbeerts van galinden / Ridders wilen siere moeyen pais?lec ende Rastelec dat goet te houdene / ende te besittene / ende vrilec dies gueds te ghebrukene / den seluen clause ofte den hebb_e van d_re l_ren en_ sinen vrien wille daer mede te doene ghelijc siins Selfs p_pren guede sonder yemens wedersegghen / Dat~welke guet met alle_ sinen toe~behoerten ende rechte dat hi daer ane houdende was / de vorghenomde jan wilmaer op~droech met v_tiene / den Selue_ clause ende quite scout tsinen behoef / ende gheloefde oec mede dat hi den vorgh_ clause van + de_ werue ofte den hebb_e van derre l_ren Sal in dat vorghenomde guet doen en_ erue_ vore hof ende h_e met den vonnisse / Ende waert dat des vorgh_ jans wilmaers erfghenamen oft anders yement van horen weghen de vorgh_ ghichte ende guede calengieren ende wedersegghen wouden oft in andren manieren eenegherande zaken toenen ende voert setten wouden in Rechte / daer de vorghenomde ghichte mede belet wesen mochte voert te gane . Soe bekinde vore ons de vorghenomde jan wilmaer dat hi alse nv sculdech es van wittegh_e scoud op al dat vorgh_ guet den vorgh_ clause ofte den hebb_e van derre l_ren / Dertech ponde oud_e grot_ torn_ van Munte Sconings van vrancrike te gheldene ende te gheuene gheheelec ende al ten vermanene en_ simplen Segghene des vorgh_ claus oft tshebbers van derre l_ren / sonder proeue oft eedt daer af te doene ende sonder mindernisse ende afslaen van + der vorgh_ p_ncepaelder scoud / Mids vrucht ende vromen die de vorghenomde claus van + den werue / ofte de hebb_e van derre l_ren van + den vorghenomde_ guede opghehaue_ ende ontfaen hadden in eenegh_e manieren / Ende hier toe soe heeft de vorghenomde jan wilmaer dat vorgh_ guet met allen dat daer toe behoert verbonden ende te pande gheset tenen gherechten ond_pande / Jn kennissen van desen l_ren bezeghelt met onsen Seglen / Ghegheue int jaer ons h_en als + men screef M . + CCC vijftech en_ een des derds sdaghs vore sente lucien daghe