Corpus Van Reenen-Mulder (CRM14): Oorkonde K285p33601

Wj willem de coc en_ goesen smedeken / late eens eersaems cnapen peters scats / Doen cont allen den ghenen die desen brief zelen zien ochte hoeren lesen Dat es come_ vore ons en_ vore ja_ne van + den vere recht_e peters scats vorseit / en_ vor andre witteghe liede / Gielijs conijn en_ heeft verlijt dat hi vercochte boudene voet den wassch_e te sente b_naerds . veertech schellinghe payments iaerlijx en_ erfelex tsijns o_me ene summe va_ ghelde die hem wale volgouden es . welke . veertech schellinghe payments erfelex tsijns gielijs Conijn vorghenoemt houdende was va_ petre scatte vorseit binne_ schelle en_ iaerlicx heffende telken kersauonde in drien p_tien oppe dese erue_ die hier neder ghescreue_ sijn / jn + den iersten op willems va_ heue_ huus en_ hof / welke gheleghen sijn in dene side van jans mins sproghiaens wert achtiene schellinghe payments ten and_en male op jan boets huus en_ hof . tiene schellinghe payments en_ ten derden male op lijsbetten sire Moeder huus en_ hof . twalef schellinghe payments / welke twe erue_ gheleghen sijn jn dander side ter kerken wert tusschen jan mins erue en_ goesens smedekens beide vorghenoemt vordane es oec te wetene dat bi manissen tsgheens diere sculdech was op te mane_ne / en_ te wisene van ons met allen dien datt_ sculdech was van rechts weghen toe te + ghesciene beide vore en_ na wt den vorscreuene_ tsijnse de vorseide gielijs wert ghewijst en_ bouden voet vorghenoe_t wed_ inne gheerft te heffene iaerlijx en_ te ghebrukene ochte den ghene_ die brenghere van desen brieue wesen sal / Ende want dese dinghe aldus ghesciet sijn en_ ouermids bede van beiden p_tien hebben wi o_se p_pre zegle ane desen ieghenwoerdeghen brief ghehanghen in orco_scape deser vorseder dinc en_ bidden onsen h_e petre scatte en_ ja_ne van + den vere sine_ recht_e dat si hore zegle mette_ onsen o_me meerre vestinghen hier an willen hanghen en_ wj peter scat en_ jan van + de_ v_e o_me bede onser lieuer late en_ oech beiden p_tien alle boue_ ghenoe_t hebben wi onse zegle ane desen brief oech in orco_scape ghehanghen . Dit was ghedaen int jaer ons heren doen men screef dusentech drie hondert ende sess + en + dertech op sente agneeten dach . -