Corpus Van Reenen-Mulder (CRM14): Oorkonde K285p34501

Allen den ghenen die dese lett_en selen sien ochte hoeren lesen / wi bouden van der biest / Jan van achter / ende Peter clinchamer / late miere vrouwen va_ ghelre / wi doen te verstane en_ maken cont met den ieghenwerdeghen lett_en / dat vor ons quam in propren p_soene / jan de Coninc / lijde en_ beke_de dat hi hadde vercocht wale en_ witteleke / petren minne_ / vijf schellinghe ouder groter tornoyse van tsconincs mu_te van vrankerike / goet en_ gherecht / ochte de werde daer na in andren goeden paymente / o_me ene su_me van ghelde die heme volcomelike es vergouden / welke vijf schellinghe ouder groter tornoyse / jan de coninc vorghenoemt / es sculdech iaerlijcs eenweruen te gheuene erfleec en_ emmermeer / en_ te ghildene den vorghenoemden petren minne_ ochte den brenghere van desen lett_en / altoes ten elken kersauonde / Ende dese vorghenoemde vijf schellinghe ouder groter tornoyse heeft de vorghenoemde jan de coninc veronderpandt en_ bewijst / op den nedren erdborne die gheleghen es binnen der prochien van schelle neven den herwech tusschen wouters bossche van vrisele aen deen side / en_ jans lande van Conincsloe aen dander side / Ende al desen vorghenoemden onderpandt mochte de vorghenoemde peter minne ochte de brenghere van desen letteren aneverden / en_ sine hant daer ane slaen / alse aen sijn erue / ghelijc dat een vonnisse soude wisen / waert dat hem de vorghenoemde jan de coninc / ochte sine nacomelinghe / niet en gouden / noch gnoech en daden / ochte dat hem iet ghebrake van den vorghenoemden ghelde ten vorgheseghden daghe / ghelijc dat hier vore es ghescreuen en_ ghesproken / Ende al dat hier toe es ghedaen / dat es ghesciet en_ was ghedaen met den vonnesse / en_ met den rechte van den lande / en_ negheen poent van rechte achter~ghelaten / met maninghen boudens van + den Echoue rechtere miere vrouwen van ghelre vorghenoemt / die + re sculdech op was te maenne / en_ met wijsdoeme van ons laten vorghenoemt die + re sculdech op waren te wisene / Ende want wi / bouden van + der biest / jan van achter en_ Peter clinchamer / late vorgheseght ghene seghele en hebben / So bidde_ wi eersame_ cnapen en_ wisen / jacoppe van schelle / janne van den vere en_ wille_me den Coc van beckenuoert / dat si hore seghele willen hanghen aen desen ieghenwoerdeghe lett_en / Ende wi jacop van schelle / jan van den vere / Ende willem de Coc van beckenvoert vorghenoemt / ouermids bede der vorghenoemder late / en_ omt tfersuec van beiden p_tien / jn kennissen der wareit dat dit vaste goet en_ ghestade altoes sal bliuen / so hebbe wi jacop van schelle / jan van den vere / en_ willem de coc vorghenoemt dese lett_en beseghelt met onsen seghelen . Die ghemaect waren en_ ghegheuen int jaer ons heren Doen men screef Dusentegh . + Drie + hondert . + en_ viu + en + veertegh . op den sesten dach binnen Meye - -