Corpus Van Reenen-Mulder (CRM14): Oorkonde K285p35201

Allen den ghenen die dese lett_en selen sien ochte hoeren lesen bertel ruus . wout_ de cupre Gieliis de smedt / willem pauwels late Mins heren sente peters van scelle Saluut en_ kennisse der waerheit . wi doen cont ene_ jeghenwelken Dat comen zijn vor ons jn propren p_sonen Cateline weesch ofte gisels En_ hare wittege_ zone die men heet jan gisels of minne Ende hebben v_liit bi haren vrien wille en_ bekent Dat si wittelike hebben v_cocht janne coutouene . sesse oude oude groete tornoyse gout en_ custbare vte des coninxs Munte van vrankerike omme ene summe va_ penninghen die hem de vorseide jan wittelike en_ wale betaelt heft te geldene in erfliker rente te kersauonde naest comende es en_ also vort erflike durende tallen kersauonden v_gouden te sine Ende waer dat sake dat dese vors_ Cateline of jan in enege ghebreken waren in deele of in al also va_ desen sessen ouden g_ten gheliich dat si vorscreue_ zijn Dat heft Cateline vors_ en_ hare montbor die hare metten rechte gheleuert was na costume des lands en_ jan hare zone vors_ bewijst en_ veronderpant erflike en_ emmermeer staende op hare huus en_ op haer hof m_ten gronde en_ metten score dat daer toe behoert gheliich dat ghelegen es ane den kerch~hof te Scelle Neuen sanders erue va_ den cleydale in deen side Ende der Moneke diic? in dander side Ende hier toe es ghesciet bi maennissen Mins h_en Sente peters mechtegts rechters Ende bi wisdoeme va_ ons laten vors_ al datter metten rechte sculdech toe was te sciene waerscap gelooft jaer en_ dach Cateline en_ haer montbore en_ jan hare zone Der vorghenoemde janne cout~ouene behoudenleech enen jghenwelken sinener rechte jeghen al die ghene die te rechte comen waer bi datter en~geen poynt va_ rechte in en ghebrecth van dat in selken saken sculdech was te ghesciene jn orcontscapen van desen dinghen Ende om~dat wi late en~ghene segel en hebben So hebben wi ghebeden Eersa_me lieden en_ wisen . janne sanders alse man sanders / janne van den vere wille_me van bachken vor + de Manne Miere vrouwe_ ver Machtilden va_ Ghelre vrouwe Cleue va_ Mechelle en_ van eyke Jn kennissen der waerheit gheliich dat vorscreue_ es Ende om beden wille van beiden p_tien So hebben wi . jan en_ jan en_ willem vors_ dese lett_en besegelt m_ onsen propren segelen wt~hanghende / jnt jaer ons h_en Dusentech drie + hondert viftech Ende tuee . des woensdages naer Sent jans dach baptisten dat hi gheboren was - - -