Corpus Van Reenen-Mulder (CRM14): Oorkonde K285p35601

Wi jan van + der linden peter post en_ claus van woude late eens ersams cnapen jans scoeuers doen cont allen den ghene_ de desen brief selen sien ochte horen lesen dat comen es daneel de weuere en_ lijsbeth sijn witachtech wijf vore janne va_ + de_ vere recht_e jans scoeuers voerghenoemt en_ vore ons late voerseght liden en_ bekinden dat si hebben vercocht wi? en_ wale janne soye . twaleue oude g_te tornoyse van tconincs mu_te van vrankerike goet en_ gherecht ochte enen ouden guldenen hellinc van florensen ochte de werde daer na in goeden andren paymente ghelijc alse ment de h_e van + de_ lande / jaerlijcs erflech en_ e_mermeer te v_gheldene altoes te kersauonde janne soye voerghen_ . in welke . twaleue g_te . jan soy voerseght es gheerft en_ toeghedaen . met manissen tsrechters en_ met wijsdoeme va_ ons laten voerghen_ op een huus en_ hoef en_ al dat daer toe + behoert gheleghen in + de peperst_te te scelle tusschen mertens huus van scelle en_ aliten bosch van + de_ velde . welc huus nu es t_ tijt peters sone daneels voerseght . en_ waert dat sake dat de voerseide daneel ochte sijne nacomelinghe niet en vergouden noch gnoech en daden ten voerghen_ daghe den voerghen_ janne soye . van + den voerghen_ ghelde soe mochte hi sijne hant slaen en_ ane~verden den voerghen_ pant / en_ doen daer mede sijne bate en_ sijne_ wille alse met sijne_ gherechte_ goede ghelijc dat recht en_ vo_nisse soude wisen . en_ dese voerghen_ pant es o_beco_mert va_ allen tscijse en_ pachte sonder van herleken tscijse . en_ . twintech schellinghe_ payme_s tsiaers die daer op heeft brud_ merten de rode en_ al dat hier toe es ghedaen dat es ghesciet en_ ghedaen met den vo_nisse en_ met den rechte van + de_ lande en_ neghen pont van rechte acht_~ghelaten dat hier toe sculdech was te ghesciene jn + ki_nisse_ va_ desen dinghen soe hebbic jan van + der linden voerghen_ mine_ p_pren seghel ghehanghe_ ane desen brief alse ma_s man mire vrouwen van cleue . en_ laet jan scoeuers vorghen_ / en_ want wij late peter en_ claus voerseght ghene seghele en hebben soe bidden wij janne den scoeu_e . alse h_e . en_ man mire u_wen van cleue voerghenoemt / en_ janne va_ + de_ vere en_ willeme de_ coc alse ma_ne der voerghen_ u_wen dat si hore seghele willen hanghe_ ane desen brief in orco_scape der waerheit en_ wj ja_ de scoeu_e / jan van + de_ vere / en_ wille_ de coc voerghen_ / o_me de bede va_ + de_ late_ voerghen_ / en_ tuersuec van beiden p_tien soe hebbe_ wj onse seghele ghehanghe_ ane desen brief met ja_ne vand_ linden voerghen_ in orco_scape van desen dinghen ghegheuen jnt jaer ons h_en doe men screef . M . + ccc . + sesse en_ vijftech / op sente marien magdalenen dach . - -