Corpus Van Reenen-Mulder (CRM14): Oorkonde K285p36201

Al + den ghenen die dese lett_en selen sien en_ hoeren lesen / Wij Gherard v_en lielen / peter v_en lielen / jan de hollandre en_ Gielijs de hollandre late miere joncfrouwe_ sanders kindre van schelle Maken cont en_ doen te verstane metten jeghenwerdeghen lett_en / dat vore ons come_ es in p_pren p_soene / Magriete gherards hollanders wijf met Gherarde horen witteghen man en_ monbore / en_ heeft verlijt en_ bekent / dat si heeft vercocht / wale en_ witteleke bi consente en_ wille Gherards hoers mans / o_me eene su_me van ghelde die hore volcomeleke es vergouden brueder Ro_monde van + de_ putte / Moenc van + der Cloestre van sente bernaerts / twee oude gulde_ hellinghe goed en_ gherecht van goude / en_ van den swaersten ghewichte ochte de werde daer na in goeden and_en paymente / Welke voerseide twee oude sware gulden hellinghe de voerghenoe_de Magriete en_ hore nacomelinghe / sculdech sijn te betaelne erfleke en_ e_mermeer en_ te ghildene den voerseghden brud_ Ro_monde van den putte alle jare altoes op ten iersten dagh van + der maent van aprille Ende om~dat de vorghenoemde Magriete dese voerseide oude twee gulden hellinghe van den swaersten ghewichte + / den voerghenoe_den brueder Ro_monde / alle jare vordane ten vorscreuene_ t_mine wale en_ witteleke betalen wille / soe heeft si vore hore en_ voer hore nacomelinghe daer toe gheset tenen onderpande / mette_ rechte en_ mette_ vo_nesse / bi consente / en_ wille / Gherards hoers witteghs mans een buenre lants gheleghen in de wijtschehaghe te hellegate / tusschen lielians lant in deen side / en_ jans lande van scadeborgh in dander side . jn sulker maniere_ / dat hier ne_meer vore vte en gheet vte desen buenre / dan enen haluen capuun Voert soe heeft si noch gheset tenen onderpande / een half buenre lants luttel meer ochte luttel min also verre alse + ment houd / van miere joncf_uwe_ kindre voerghenoemt / gheleghen te hellegate lancs streckende der strate_ tussche_ jans lande van den vere in deen side / en_ willem boudens lande in dander side / Ende desen voerseiden onderpand heeft ontfaen heinrijc de antfutt_e alse ghiftdraghere te bruder Ro_monts behoef voerse?ht Ende al desen voerseiden onderpand mochte de voerghenoemde brued_ Ro_mont van den putte aneuerden en_ sine hant daer ane slaen alse ane sinen bewijsden en_ besetten onderpand / ghelijc alse een vo_nesse soude wisen / waert dat heme de voerseide Magriete ochte hare nacomelinghe niet en gouden noch gnoech en daden / ochte dat he_ iet ghebrake van den voerseiden tween ouden sware_ gulden hellinghen ten voerghenoemden daghe ghelijc alse vore es ghescreuen / Hier toe es gheschiet al datt_ mette_ rechte en_ mette_ vo_nesse toe sculdech was te gheschiene en_ en~gheen poent van rechte achter~ghelaten / bi manissen jans van den vere recht_e miere joncf_uwe_ sanders kindre va_ schelle voerghen_ diere sculdech op was te maenne / en_ bi wijsdoeme van ons laten voerseid diere sculdech op waren te wisene / Jn ke_nissen der waerheit / en_ dat al dese voerw_den aldus gheschiet sijn Soe hebben wij Gherard v_en lielen / en_ peter v_en lielen late voerghenoemt dese lett_en bezeghelt met onsen propren zeghelen En wij jan de hollandre / en_ gielijs de hollandre / oec late voerghen_ ou_mids de meerre sekerheit / want wij hier ouer en_ mede gheweest hebbe_ daer al dese voerw_den ald_ ghesciede_ en_ om~dat wij ghene_ zeghele en hebbe_ soe bidden wij ene_ eersame_ man en_ wisen janne van den vere recht_e van desen voerseiden ond_pande / dat hi sine_ zeghel wille hanghen van onsen weghen aen dese lett_en / En_ jc jan van den vere / ou_mids de bede der late die ghene zeghele en hebben en_ oec der p_tien in beiden siden / soe hebbic desen brief oec bezeghelt alse recht_e met mine_ p_pren zeghele / behoudenleke yeghewelke_ sine_ rechte / Die ghemaect was int jaer ons h_en doen me_ screef . dusentech . + drie + hondert Sestegh en_ twee / op sente Marien magdalene_ dagh