Corpus Van Reenen-Mulder (CRM14): Oorkonde K285p36601

Allen den ghenen die dese lett_en selen sien en_ hoeren lesen / Wij Staes de cost_e / Peter minne en_ jan (onleesbaar) late Gielijs sanders / Maken cont en_ doen te verstane in (onleesbaar) jeghenwoerdighe_ lett_en / dat vore ons come_ es in p_pren persoene / peter scute / en_ heeft verlijt en_ bekent dat hij heeft vercocht wale en_ witteleke o_me ene su_me van ghelde die heme volcomeleke es vergouden janne mertens / enen ouden gulden hellinc goed en_ gherecht van goude van + den swaersten ghewichte / ochte de werde daer na in goeden and_en paymente / welken voerseide_ ouden swaren gulden hellinc / de voerghenoemde peter scute / en_ sine nacomelinghe / sculdech sijn te betaelne / erfleke en_ e_mermeer / en_ te ghildene den voerseghden janne Mertens en_ sinen nacomelinghen / alle jare altoes te kersauonde / Ende om~dat de voerghenoemde Peter scute / desen voerseiden ouden swaren gulden hellinc / den voerghenoemde_ janne Mertens / alle jare vordane ten voerscreuene_ t_mine / wale en_ witteleke betalen wille / soe heeft hi / vore hem en_ vore sine nacomelinghe / daer toe gheset tenen onderpande metten rechte en_ mette_ vo_nesse / sijn huus en_ den hof ghelijc alst gheleghen es metten gronde en_ datter toe behoert / tusschen janne donk_e in deen side / ende ja_ne loeke_ in dander side . Jn alsulker manieren dat hier ne_meer vore vte en gheet vte desen onderpande dan twintegh schellinghe payments en_ achte oude jnghelsche / Ende al desen voerseiden onderpand mochte de voerghenoemde jan Mertens aneverden en_ sine hant daer ane slaen / alse ane sinen bewijsden en_ besetten onderpand / ghelijc alse een vo_nesse soude wisen / waert dat heme de voerseide Peter scute / ochte sine nacomelinghe niet en gouden ochte gnoech en daden ochte dat hen iet ghebrake van + den voerseiden ouden gulden hellinc / ten voerghenoemden daghe ghelijc alse vore es ghescreuen / Hier toe es gheschiet / al datt_ mette_ rechte en_ mette_ vo_nesse toe sculdech was te gheschiene / ende en~gheen poent van rechte achter ghelaten + / bii manissen jans van + den vere / recht_e Gielijs sanders voerghenoemt diere sculdech op was te maenne / en_ bi wijsdoeme van ons laten voerseid diere sculdech op waren te wise / En_ om~dat wij late voerghenoemt ghene p_pre zeghele en hebben / soe bidden wij eersame_ lieden en_ wisen / Gielise sanders alse h_e janne van + den vere alse recht_e / en_ goesene sanders alse gielijs man / dat si dese lett_en willen bezeghelen met horen p_pren zeghelen / En_ wij gielijs sanders alse h_e jan van + den vere alse recht_e / en_ goesen alse gielijs man voerghen_ / ou_mids de bede der voerseider late / hebben wij dese lett_en bezeghelt met onsen p_pren zeghelen jn ke_nissen der waerheit / Die ghegheuen waren in den jare ons h_en doen men screef . dusentech / + drie + hondert / + ende sess + en + sestich jn sente benedictus daghe - -