Corpus Van Reenen-Mulder (CRM14): Oorkonde K285p36701

Allen den ghene_ die dese lett_en sele_ sien Ende hoore_ lesen / Wij staes van scelle die_ me_ heetet de cost_e / Jan verman En_ heinric scobeel late mire Jonvrouwe_ sand_s kind_e van scelle / maken cond en_ kenlec Dat vore ons come_ es Jn prop_en p_sone Peet_ boudens sone van + der heiden lijde En_ bekende dat hi heeft v_cocht wale En_ wittelike / Omme ene Su_me van ghelde die hem volcomelec es v_gouden Janne hermans viere Oude guldene hellinghe goed En_ gherecht van goude / Ende van + den swaersten ghewichten die gaen Ocht de werde daer na Jn goeden and_en paymente . Welke vors_ viere oude sware guldene hellinghe de vorghenoemde peeter En_ sine nacomelinghe Sculdegh siin te betaelne erflike En_ emm_meer den vorseiden janne hermans alle jare te twee t_mine? deene helft / te sente jans daghe baptist_ naest come_de En_ dand_e helft te kerstauonde daer na volghende . Ende o_me~dat de vors_ peeter dese vorscreuenen viere guldene hellinghe den vorghenoemden Janne hermans / alle jare vordane te_ vorscr_ t_mine_ wale Ende wittelike betale_ wille / So heeft hi daer toe ghesett te eene_ onderpande mette_ Rechte en_ mette_ vonnesse Onder + half boenre lands gheleghen neuen de hellegaetsche~strate Op tgoed dat me_ heetet de hofstad Tusschen boudens land van + d_ heide_ siins vad_s Jn deene zide Ende willems land van + der heiden Siins brued_s Jn dand_e zide . Vord so heeft hi ghesett te Ene_ onderpande Een half boenre lands daer tenden van desen lande gheleghen / welken vorseiden Onderpand men houdt van goessene sand_s Ende al desen vorghenoemden onderpand mochte de vors_ Jan hermans aneverden ende Sine hand daer ane slaen alse ane sine_ bewiisden Ende besetten onderpand gheliic alse een vonnesse soude wisen / Waert dat hem iet ghebrake van + de_ vorgh_ vieren Oude_ sware_ guldene_ hellinghe_ ten terminen vorscreue_ . Hier toe es ghesciet al datter mette_ rechte En_ mette_ vonnesse Sculdech toe was te ghesciene Engheene_ poynte van rechte achterghelate_ na ghewoente des lands bi maenessen Jans van + den vere Recht_e miere Jonfr_ sand_s kind_e van scelle vorghenoemd Die + re sculdech op was te maenne / Ende bi wiisdome van ons laten vorseid . die + re sculdech op ware_ te wisene . Ende want wij jan verman En_ h?ric scobeel late vorseit engheene prop_e zeghele en hebben So bidden wii eersamen lieden Ende wisen goessene sanders / die here es van + den vorseiden onderpande_ Janne van + den vere alse Recht_e / Ende staessen van scelle den cost_e vorscreue_ Onse medelaet / dat sij hare zegle willen hanghen Ane dese ieghe_w__deghe lett_en Jn kennessen der waerheit . Ende wi goessen sand_s alse h_e / jan van + den vere alse recht_e Ende staes van scelle de costere vors_ / alse laet Ouermids bede diere late vorscr_ die engheene zegle en hebben / Ende oec der partijen jn beiden sijden So hebbe_ wij desen brief bezeghelt met onsen prop_en zeglen . behouden en + iegheliken Sinen rechte . Die ghemaect was jnt jaer ons h_en doen men screef . dusentech . + drie + hondert . + Tsestech Ende seuene . Op den Dertienauond