Corpus Van Reenen-Mulder (CRM14): Oorkonde K285p36702

Al + den ghenen die dese lett_en sien en_ hoeren lesen / Wij staes van scelle die_ me_ heet de cost_e . jan v_man / en_ heinrijc scobeel late mire joncvrouwen sanders kindre van schelle Maken cont en_ doen te verstaene metten jeghenwerdeghen lett_en / Dat vore ons comen es in p_pren p_soene Pet_ boudens zone van + d_ heiden lijde en_ bekende dat hi heeft vercocht wale en_ wittelike / o_me ene su_me va_ ghelde die heme volcomelike es verghouden janne heermans / drie oude gulden hellinghen goet en_ gherecht van goude en_ van + den swaersten ghewichte die gaen ochte de w_de daer na in goeden and_en paymente / welke voers_ drie oude sware gulden hellinghe de voerghenoemde peter en_ sine nacomelinghe sculdech sijn te betaelne erfleke en_ e_mermeer / en_ te ghildene den vorseghden janne heermans alle jare te tween t_minen / deen helft / tsente jans daghe baptiste naest comende / en_ dand_ helft te k_sauonde daer na volghende . Ende om~dat de voerghenoemde peter / dese voerseide drie oude sware gulden hellinghe den voerghenoe_den janne heermans alle jare vordane ten vorscreuene_ t_minen wale en_ witteleke betalen wille / soe heeft hi daer + toe gheset tenen onderpande metten rechte en_ metten vo_nesse onder + half buenre lans gheleghen neuen de hellegaetsche~st_te / op tgoet dat me_ heet de hofstad tusschen boudens lande van + d_ heiden siins vaders in deen side / en_ willems lande van + d_ heiden siins brueders in dand_ side / Voert soe heeft hi gheset tenen onderpande een half buenre lans daer tenden van desen lande gheleghen / Welken voerseiden onderpand men hout van goesene sanders / En_ al desen voerghenoemden ond_pand / mochte de voerseghde jan heermans aneverden / en_ sine hant daer ane slaen / alse ane sinen bewijsden ende besetten onde_pand ghelijc alse een vo_nesse soude wisen Waert dat heme de voerseide Peter ochte sine nacomelinghe niet en gouden noch gnoech en daden / ochte dat hem iet ghebrake van + den voerghenoemden drien ouden swaren gulden hellinghen ten voerseiden t_minen ghelijc alse voer es ghescreuen / hier toe es gheschiet al datter metten rechte en_ metten vo_nesse toe sculdech was te gheschiene / en_ en~gheen poent va_ rechte achter~ghelaten bi manissen jans van + den vere recht_e miere joncfrouwen sanders kindre van schelle voerghenoemt die + re sculdich op was te maenne / ende bi wijsdoeme van ons laten voerseid die + re sculdech op waren te wisene / En_ want wij late voerseid alle ghene p_pre zeghele en hebben / soe bidden wij eersamen lieden ende wisen Goesene sanderse die h_e es van + den voerseide_ o_derpand / en_ janne van + den vere alse recht_e dat si hore zeghelen willen hanghen aen dese ieghenwerdeghe lett_en in kennessen d_ waerheit / En_ wij Goesen sand_s alse h_e / en_ jan van + den vere alse rechtere ou_mids de bede der late die ghene zeghele en hebben / en_ oec der p_tien in beiden siden / soe hebben wij desen brief bezeghelt met onsen zeghelen behoudenlike ieghewelken sinen rechte . Die ghemaect was jnt jaer ons h_en Doen men screef . Dusentech . + Drie + hondert / + Sestech ende Seuene op + den dertienauont . . .