Corpus Van Reenen-Mulder (CRM14): Oorkonde K285p37001

Allen den ghenen die dese jeghenw_deghe l_ren selen sien Ende hoere_ lesen Wij peeter post Staes van scelle de cost_e En_ jan van haghe_broet jans sone late arnouds sanders van scelle doen te wetene dat vore ons come_ es selue jn prop_en p_sone / Peeter wilen boudens zone van + der heiden kende En_ lijde dat hii vercocht heeft wale en_ wittelike Omme ene Su_me van ghelde die hem volcomelec v_gouden En_ betaelt es / Peeter die_ me_ heetet minne / Ene_ erfliken tseins van tween guldene_ hellinghe_ tsiaers / goed en_ gaeue / beide van goude En_ van ghewichte die men ghemeinlike noemt tseins~guldene / Ochte de werde daer na Jn goeden and_en paymente . Te gheldene En_ te betaelne van den seluen Peet_en van + der heiden van sinen oyr En_ nacomel_ eewelike Ende Emm_meer / alle jare te kerstauonde / Ende Omme~dat de vorghenoemde Peet_ van + d_ heiden dese vors_ twee tseins~guldene vordane alle jare ten voerscreuene_ termine wale Ende wittelike betalen wille / So heeft hi daer toe ghesett te ene_ gherechte_ onderpande metten Rechte En_ metten vo_nesse / Een stucke lands met den gronde gheheete_ shooghen~hornic / dat houdt Omtrent viif vierendeel luttel min Ocht luttel meer En_ es gheleghen bij de hellegaetsche~strate metten Ene_ ende / Ende metten and_en ende ane de ghemeine hofstad / ghelijc dat ment houdt va_ arnoude Sand_s vorscreue_ . Ende al desen onderpand metten gronde / so mochte de vors_ Peeter minne aneverde_ En_ sine hand daer ane slaen / alse ane Sine_ bewiisden Ende besetten onderpand / ghelijc dat een vonnesse wisen soude waert dat hem iet ghebrake van den vorscreuene_ tween guldene_ hellinghen ten termine_ vorghenoemt . Hier toe es ghesciet met maennessen des recht_s diere Sculdech op was te maenne Ende met wijsdome van ons laten vorscr_ al datter sculdech toe was te gheschiene / Engheenen poynte van Rechte achter + ghelaten datter + toe + behorde na ghewoente en_ vsage des lands . Jn kennessen der waerheit / So hebben wij arnout sand_s alse here van + den gronde + . Peeter post Ende staes va_ schelle de costere vorseid alse late / Ouermids bede jans van haghenbroet vorscr_ die engheenen zeghel en + heeft Ende oec der partijen Jn beiden zijden . Onse prop_e zeghele desen jeghenw_deghen lett_en ane ghehanghen / behouden altoes enighelike sine Rechte . Ghegheuen Jnt jaer ons h_en / doen men screef / Dusentech . + drie + hondert Ende souentech / Op den twintechsten dach van wedemaende - - -