Corpus Van Reenen-Mulder (CRM14): Oorkonde K285p37401

Allen den ghenen die dese jeghenwerdeghe l_ren selen sien en_ horen lesen . . wij gielijs van achter jan van aken Ende willem cops late jans scoeuers . Ende wij jan van heuere de berbier Ende jan van sincval die + men heet lecke laete Staes en_ zanders kinde_ wilen Staes en_ zanders van scelle saluut met kennessen der waerheit . wij doen cont allen lieden dat vor ons comen siin in p_pren p_soene lisebet dochter wilen heinrijcs van haecht met peeten_ poste hor_ witte~ghen man ende mo_bore kende en_ liid/e dat si vercocht heift o_me eene so_me van penninghe die hore volcomelec en_ af vergouden es . Janne bouderic achte oude scilde goed van goude en_ gherecht van ghewichte ochte die werde daer af in goeden ande_n ghichte Jaerlijcs en_ erffelijcs ceins te ghildene en_ te betalen alle iare dat es te wetene seue_ scilt te sint + jans misse ende ene_ scilt te kerssauonde . ende o_me de meere zekerheit te doenne van desen Erffeleken ceinse vorseit . So heeft de vorgh_ lisebet met horen witteghen man en_ mombore daer vore gheset tot Eene_ gherechten onderpande Eene woninghe Een hof metten boemgaerde en_ metten gronde dat hout omtrent een buenre lants luttel min ochte luttel meer dat wilen was heinrijcs van haecht hors vader en_ es gheleghen ter hulst jn de prochie van scelle tusschen den lande kateline_ van der biest in deen zide en_ tstraetken daer men gheet taertslaer wert in de ander zide dat men nu hout van janne den scoeu_e En_ wilen hielt van janne van den broeke los en_ vri van allen Ceinse sonder van drie penninghe louensche twee hoenren En_ van den derdendele van twee hoenren daer vore vutgaende En_ vortane so heeft de vorg_ lisebet met horen witteghen man en_ mombore vors_ daer vore gheset in gheliker vormen teene_ gherechten onderpande o_metrent Een ghemet lants metten gronde luttel min ochte luttel meer dat wilen was heinr_ va_ haecht hors vader vorgh_ gheleghen jeghen thuus van der woninghen vors_ bi den lande willem zeghers En_ bi dat vorg_ straetken En_ dat me_ hout van Staese en_ zanderse wilen Staes kindere van Scelle vorg_ . los en_ vri van alle_ ceinse sonder van ene_ halue_ muddeken euene_ daer vore vutgaende . Vort~ane so hebben de vorscr_ lisebet en_ peet_ hore witteghe man en_ mo_bore ghewilkoert en_ ghelooft vor hen en_ vore hore nacomelinghen nu_mermeer eeneghe husinghe_ af te doonne ochte af te breken noch bome die vrucht te draghene pleghen van den onderpande vorscr_ . En_ waert dat sake dat den vorghenoemden janne bouderic ocht sine_ nacomelinghe_ niet ghenoech en wordde ghedaen van de_ vorscr_ erffeleken ceinse te elken t_mine alst vorscr_ es So soude hi ochte sine nacomelinghe_ hore hand moghen sclaen ane alle die onderpande vorscr_ En_ die souden si moghe_ vrome_ en_ ontvrome_ ghelijc dat hen een vonnesse wisen soude En_ hier toe es ghesciet al datter sculdech toe was te ghescienne bi maennessen der Recht_s diere sculdech op waren te maenne En_ bi wijsdoemme va_ ons laten vorgh_ diere sculdich op ware_ te wisene engheene_ pointe van Rechte acht_ ghelaten datt_ + toe behoerde na ghewoenlecheide en_ vsage des lands En_ altoes behoude_ eenen jegheliken sine_ Rechte / Jn kennessen der waerheit So heb + ic peeter post vors_ mine_ zeghel ane dese lett_en ghehanghen En_ o_me~dat wij Staes en_ zanders kind_e wilen Staes zand_s van scelle vorg_ als he_en van den onderpande na ghescr_ ne~gheene zeghele en hebben nu ter tijt noch onse late vors_ So hebben wij ghebeden en_ bidden onsen lieue_ en_ gheminde_ neue . janne de scoeu_e dat hi dit op ons kenne_ en_ zeghelen wille . En_ wij jan de scoeu_e als he_e van den onderpande eerstwerf vorscr_ jan van den vere als man jans scoeu_s vors_ Ouermids bede Staes en_ zanders vorg_ onse gheminde neven En_ der late vorg_ die gheene zeghele en hebbe_ Ende tversoec va_ den partien in beiden ziden hebben onse propre zeghele desen jeghenw_deghen l_ren ane~ghehanghen met den zeghele peet_s vorg_ o_me de meere sekerheit . Ghegeue_ jnt jaer ons he_en doen me_ screef dusentich drie + hondert / + tzeuentich ende drie jaer op den tienden dach van aprille . .