Corpus Van Reenen-Mulder (CRM14): Oorkonde K320p32701

Wi jan wirijch bouden zessen jan Cosse willem wirich willem de boch jan de brok_e ende (onleesbaar) wittekenScepene_ va_ wildebroch onder mijn vrouwe_ va_ hoboken doen te + uerstane en_ maken cont metten iheghe_~waerdeghen letter_ dat jan wayboem heft ghecocht en_ v_creghe_ iheghen arnoude die men heet ? van Bokbroech met god_e wittegher? vorwaerden vijr pondt en_ tien scellinghe ghelts een~weruen elcs jaers te + kerssauonde e_mermeer ende erffeleech te ghildene ende altoes met alsoe zelken payme_te als daer men mede coept en_ v_coept en_ ghinghe en_ gaue zal wesen i_ brabant ghemeinlich telken kerssauonde ende dese vijr pondt en_ tien scellinghe ghelts zijn v_pandt en_ bezedt den voerghen_ ja_ne op erffeleecheit dat ja_ ghisel emers zone houdende es welc erue daer af gheleghen es een stucke op te do_ch neuen jans kind_e landt va_ yp_e op een halfvijrdendeel lands leghet acht_ de hofhaghe op ten bruel die wilen was ver + marg_ten van rethie die tinden willems wirichs bruel es gheleghe_ op een stucke lands leghet in den colch en_ daer toe op een stucke lands va_ ene_ vijrdendele leghet op tsauelant neuen wille_me wirike Voert heft de voerghen_ jan ghecocht en_ v_creghe_ wettechleech en_ wale jheghe_ den voerghenoe_den arn_ drie pondt ghelts en_ tvee hoenre en die hoenre goet ende cuustbaer te zine en_ de drie pondt ghelts te gheldene te tveen tijdden van den jaere dertech scellinghe en_ de tvee hoenre telken k_ssauonde te gheuene en_ dander? dertech scellinghe te zente jans messe midden den zoem_e v_gouden te wesene ende altoes dit ghelt te gheuene als zelc payment als daer men mede coept en_ v_coept ghemeinlijch i_ brabant ghinghe en_ ghaue zal wesen telken daghe Ende dese drie pondt ghelts en_ de tvee hoen_ zijn den voer~ghenoemden ja_ne v_pandt en_ bezedt op een stucke lands leghet i_ meerwinkel en daer toe een ander stucke lands es gheleghe_ in den gadem die beide es houdende Samme van der molen Voerdane heft de voer~ghen_ Arnoudt v_cocht den voerghen_ ja_ne wayboe_me erffeleech twee en vijrtech scellinghe ghelts en_ twee capune jaerlijcs te ghildene altoes een en + tvintech scellinghe ghelts ende de twee capune telken kersauonde en_ dander? een en + tvintech scellinghe te zent_ jans messe midden den zom_e altemale v_gouden te wesene en_ alsoe zelc payment als daer men met coept ende v_coept ghemeinlijch jn brabant en_ telken daghe ghinghe en_ gaue zal wesen Ende hijr voer es den voerghen_ ja_ne besedt te pande een stucke lands dat wilen was v_ + marg_ten va_ rethie dat gheleghe_ es in rijcwinkel en_ daer neuen leghet een half vijrdendeel lands dat daer toe bezedte tenen onderpande wout_e de brune Ende ware dat sake dat va_ al desen cheinse die de voerghenoemde jan erffeleech ghecocht heft en_ v_creghe_ jheghe_ den voerghen_ arn_ en_ altemale wale v_gouden daer af iet ghebrake waert ja_ne em_e ochte va_ zinen naecomelinghe_ waert va_ Sa_men va_ der molen ochte va_ zine_ naecomelinghe_ waert va_ wout_s sbrune_ kindere_ ochte va_ haren naecomelinghe_ (onleesbaar) es hem daer voer_ al dese voer_~ghenoemde erffeleecheit bezedt tene_ pande bi maninghe_ tsmeyers gilijs tspest_s en_ met wijsdoe_me va_ ons scepene_ voerghenoemt zoe mochte de voerghen_ jan wayboem ochte zine naecomelinghe haer? hande slaen ? v_re als vo_nesse en_ recht wisen ? toet an dien tijdt dat den voerghenoemden ja_ne ochte den bringh_e va_ den jheghenwaerdeghe_ letter_ gnoech ware va_ alsoe vele ghedaen als va_ daer hij af ware i_ ghebreke jn ki_nessen der waerheit dat dit vast goet en_ ghestade zal wesen en_ alle de voerwaerden ghehouden die hijr voer? ghescreue_ ende ghenoemt zijn zoe hebbe ? Scepene_ ? wildebroech voerghenoemt onsen ghemeinne_ zeghel ghehanghe_ an de iheghe_waerdeghe letter_ Dit (onleesbaar) (onleesbaar) en_ ghegeuen jn den jaer? ons heren doe men Screef Duzentech drie + hondert en_ zeuen + en + tvintech dies vriendaghes nae zente agnieten dach - - -