Corpus Van Reenen-Mulder (CRM14): Oorkonde K320p33602

WJ scepene_ van wildebrouch Ghemeinlech Maken Cont En_ kinlech allen den ghene_ die dese lett_en zien zelen En_ hoeren lesen Dat Come_ Es vore ons in p_p__en p_soene heinrich gheheten de vind_e Messelgir ons h_en Shertoge_ van brabant En_ heeft v_creghen wettelech En_ Redenlech Drie pont siaers Erfelek_e Renten Erfelech En_ Emm_meer staende Ene_ ouden g_ten tornoisen goet En_ gherecht vore twee en_ twintech pe_ninge En_ Ene_ hellinch ghetelt ochte de werdde daer na goed_e En_ gherechtere Mu_ten tallen kerssauonden alle jaere te gheuene En_ te geldene heinrike den vind_e vorghenoe_t En_ sinen oere sine_ Nacomelinge_ ochte den ghene_ die dese lett_en brachte / Welken vorgenoe_den Erffeleken Cheins heinrike Den vind_e vorghenoe_t beset Es En_ bewijst vore ons scepene_ vorghenoe_t ghelijch dat En vonnesse wijsde Op En Huis En_ hof En_ op drie vierdendeel lants Ghelege_ in + de donch Ende jn zeebrouch En_ dat wilen was wiilems oebijns Waer bi dat heinrich de vind_e vorgenoe_t jn dien vorghenoe_den Cheins toe Es ghedaen En_ jn gheErvet Met mae_nessen des Rechters die + re sculdech op was te mae_ne En_ bi wijsdoeme van ons scepene_ vorghenoe_t ghemeinlech En_ ware dat sake dat heinrike den vind_e vorgenoe_t En_ sine_ Nacomelinge_ Ochte den bring_e van deser lett_en iet ghebrake alse van dien vorgenoe_den Erfeleke_ Cheinse ten vorghenoe_den dage_ Soe souden si hare hant moge_ slaen ane haren vorgenoe_den bewijsden pant Jn alle diere Manieren Ghelijch dat En vonnesse wisen soude / En_ o_me~dat wj scepene_ vorgenoe_t van wildebrouch Ghemeinlech hier ou_ En_ mede waren Soe hebbe_ wj dese lett_en bezegelt met onsen Ghemeinen Segle Jn kinnessen der waerheit Dit was ghedaen jnt jaer ons h_en doe men screef . M . + CCC . + En_ Sess + en + derttech Op den irsten dach va_ Merte