Corpus Van Reenen-Mulder (CRM14): Oorkonde K325p33901

WJ scepene_ van Ru_ste van binne_ vrieheiden ghemeinlech Maken Cont En_ kinlech allen den ghene_ die dese lett_en zien zelen En_ hoeren lesen Dat Comen Es vore ons in p_p__en p_soene Jan gheheten Cole En_ kinde En_ liede dat hi vercocht heft wettelech En_ Redenlech Gillise ghehete_ den pest_e vijftiene scellinge siaers paieme_ts Erfelek_e Renten Erfelech En_ Emm_meer staende tallen kerssauonden te gheuene En_ te geldene En_ altoes alselc paieme_t alse te dien tiden ghemeinlech in borse gaet Alle jaere Erfelech En_ Emm_meer Gillise den pest_e vorgenoe_t ochte den bring_e van deser lett_en welke vorgenoe_den Erfeleken Cheins Jan Cole vorgenoe_t bezet En_ bewijst heeft gheljjch dat En vo_nesse wijsde Gillise den pest_e vorgenoe_t op En huis En_ hof En_ datter toe behoerende Es daer Clem? sme? jnne woent welken vorgenoe_den Cheins dat Jan Cole hadde Erfelech op de vorgenoe_de Erfelecheit En_ dat ons scepene_ vornoe_t ghemeinlech wel kinlech Es / waer bi dat Gillijs de pest_e vorgenoe_t Jn dien vorgenoe_den ?leken Cheins toe Es ghedaen En_ jn gheeruet met mae_nessen des Rechters diere sculdech was op te mae_ne En_ bi wijsdoeme van ons scepene_ vorgenoe_t En_ ware dat sake dat Gillise den pest_e vorgenoe_t ochte den bring_e van deser lett_en iet ghebrake alse van dien vorgenoe_den Erfeleken Cheinse den vorgenoe_den dagen Soe souden si hare hant moge_ slaen ane hare_ vorgeno_de_ bewijsden pant Jn alle diere manieren ghelijch dat En vo_nesse wisen soude . En_ o_me~dat wj scepene_ vorgenoe_t ghemeinlech hier ou_ En_ mede ware_ Soe hebben wj dese lett_en bezegelt met o_sen ghemeine_ Segle van + der vrieheit van Ru_ste Jn kinnessen der waerheit Dit was ghedaen Jnt jaer ons h_en doe men screef . M . + CCC . + En_ Negene En_ derttech Achte dage binnen Jngaenden oegeste . . - - -